Allattoq: Borgmester Stine Egede
Ivaaqqami alianartumik pisoqarnera misigissutsikkut amerlasuunik eqquivoq
Ivaaqqami alianaqisumik pisoqarnera kikkunnut tamanut nalunanngitsumik misigissutsikkut sakkortuumik eqquivoq.
Pisimasoqarneranik Naalakkersuisumit siusissukkut ilisimatinneqarpugut, angerlarsimaffillu pineqartoq namminersornerusunit ingerlanneqarpoq. Akisussaaffimmik tigusisoqarpoq, susassaqartullu suliassaminnik misissugassanillu suliaqarput, soorluttaaq politiit misissuillutik aallartereertut.
Kommuunitut isumaginninnermik suliaqartuvut sukumiisumik sukkasuumillu suliarisariaqakkaminnik suliaqarput.
Kaammattuutigissavara sulisunik pisuutitsinermik kamammillu inuit naapittarfiisigut oqallinneq mianersuuteqqullugu. Eqqaamassagatsigu pisortat suliassartik suliarimmassuk eqqartuusisullu suliamik inerniliisussaammata.
Pisimasoq alianaqisoq neriuppunga inuiaqatigiinni ataatsimoorluta nukittorsaqatigiikkumaartugut, qularinngilarami amerlasuut ikiminnik/anniaatiminnik qaffattoortitsisimassasut. Neriuppunga sulisunik nakkarsaanermik pilersitsisoqassanngittoq. Sulisummi aamma nuanniilliorput, tujormillutillu.
Eqqugaasut uummammik pisumik nukissaqartitaanissaannik kissaappakka.