Naalakkersuisunut allakkat ammasut
Allattoq: Borgmester Stine Egede Kommune Kujalleq
Kujataa utaqqisinnaajunnaarpoq
Kujataani aalajangersimasunik ilanngaaserisoqanngilaq. Kujataa ukiup ilaannaani aammalu marluinnaasunik ilanngaaserisoqartarpoq. Tamanna naammaqqajanngilaq ajornartorsiullu ukiuni qassiinngortuni ilisimaneqarsimavoq. Hashimik atornerluineq annertusiartorpoq, kiisalu ilaqutariit, meeqqat, suliffeqarfiillu sakkortuumik eqqugaasarput. Ilaqutariit avissaartuuttarput, atornerluineq sakkortuuliornernik malitseqartarpoq, aningaasalllu nerisassanut ineqarnermullu atugassaraluit nunat allamiut kaasarfiinut nakkaaginnartarlutik.
Ullumikkut umiarsuit, kilisaatit, tissiartaatit sumininnguamilluunniit nakkutigineqanngillat.
Narsarsuaq aasaanerani nunanit allanit tikerarfigineqartarpoq taamalu Islandimiit Københavnimillu tikerarfigineqartarluni.
Kujataani ukioq kaajallallugu aalaakkaasunik ilanngaaserisoqarnissaa assorsuaq pisariaqalersimavoq. Ilanngaaserisut Kujataanut hashimik eqqussuinermik killilersimaarinnissinnaapput, eqqussuinerlu timmisartutiguinnaanngilaq, aammali umiarsuit, kilisaatit, allakkat allallallu atorlugit eqqussuisoqartarpoq. Hash kisimi ajornartorsiutaanngilaq, aammali aanngajaarniutit allatut ittut atugaalersimapput.
Maanna Kujataa hashimik anngiortumik eqqussuiffigissallugu ammaannartunngorsimavoq.