Aasit ajortippoq
Borgmesteri Stine Egedemit
Kujataani timmisartukkut angallanneq ajornartorsiutaajuartarpoq akulikitsunik sivisuunillu kinguaattoorfiusarluni.
Qulimiguulik nutaaq teknikkikkut ajornartorsiuterpassuaqarnini pillugu angalaqqaaleramili taamaatiinartitsinerpassuarnik nassataqarpoq. Taamaatsitsiinnarnerit ingerlaannarnissaat aarlerinarpoq, pingaartumik ukiup nalliutilernera eqqarsaatigalugu.
Ulluni makkunani ilaasut napparsimasullu paasitinneqarput Nuummut Kangerlussuarmulu ingerlaniarunik sapaatit akunnerannik ataatsimik utaqqisariaqassasut. Ullumikkullu ilaasoqarpoq Qaqortumiit Nanortalimmut ingerlaniaraluarlutik ulluni arfinilinni utaqqisimasunik. Naak sila timmisartumik angallammillu angallavissaagaluartoq taama pisoqartarpoq. Inuit feeriarniartut Danmarkimiit nunanut allanut timmisartorfissaraluatik annaasarpaat.
Air Greenlandimut akisoorujussuusimassaaq, aammalu timmisartunik amigaateqartoqarpat sooq timmisartortitseqatigiiffinnik allanik suleqateqateqartoqarsinnaannginnersoq assut paasiuminaappoq. Kiisalu kiffartuussinissamik isumaqatigiissutit ima suli eqartigipput inuit sivisuallaarujussuarmik ingerlaqqinneq ajulersarlutik.