Inunnut innarluutilinnut taperserneqartarnissaannut Inatsisartut inatsisaat nr. 13 12. juni 2019-meersoq § 24, Kommunalbestyrelse pisussaaffia illersuisoqarnermi aaqqissuussinermi pilersitsinissai, inuup innarluutillip illersuisumit taperserneqarnissaa siunertaralugu.
Soqutiginnittunut pikkorissaasoqassaaq ulluni 7- 8.september 2022, Hotel Qaqortoq.
Inatsisileritooq Christina Johnsen pikkorissaasuusalluni.
Illersuisutut makku ilaatigut suliassaraatit:
• Innarluutilinnut Immikkoortortami pisussaatitaaffinnik inuk innarluutilik aqqutissiuullugu.
• Pisortaqarfinni oqaloqateqarnermi inuk innarluutilik illersorlugu.
• Sullissinerup ingerlanerani inuup innarluutillip pisussaatitaaffi qularnaarsarlugit.
• Naammagittaalliorsinnaatitaanermut periarfissamik inuk innarluutilik siunnersorlugu.
Akissaasersorneqarnera Isumaginninnikkut tapiissutigineqartut pillugit kajallaatitat naapertorlugit ukiup affakkaartumik saqqummiunneqartartut naapertorneqartarput.
Illersuisumut akissarsiat maannakkut ima akilerneqartarpoq, akunneq siulleq 604 koruunit, kingornalu akunnermut 423 koruunit.
Pineqaatissinneqarsimannginnermut aamma meeqqanik innarliisimannginnermut uppernarsaatit inatsisitigut piumasarineqarput.
Illersuisuussarneq pillugu soqutiginnikkuit, imaluunniit pikkorissarnissanut peqataaniaruit ataani allassimasut attavigineqarsinnaaput;
Qaqortoq Tina Abilgaard tiab@kujalleq.gl Oqarasuaat: 64 53 78
Narsaq Nauja O. Knudsen naok@kujalleq.gl Oqarasuaat: 64 53 81
Nanortalik Maline Lyberth mall@kujalleq.gl Oqarasuaat: 64 53 73
Qinnuteqarfissaq kingusinnerpaamik 2. september 2022, sumiiffigisami attaveqaataasumut attaveqarnikkut.
Soqutiginnittunut Qaqortumi najugaqanngitsunut, aningaasartuutit, najuguaqarneq, angalaneq nerisaqarneq, ullormusiaqartitsineq Kommune Kujalliup matussusissavai.
Inummut innarluutilimmut illersuisoorusuppit?
Kommune Kujalleq inunnut innarluutilinnut illersuisoorusuttunik ujarlerpoq.
Udgivet d. 25. august 2022