Qaqortumi qatserutaasiviuk allilerneqarnera sapaatip akunnerinik pingasunik kinguarteqqinneqareerluni naammassisimalerpoq.
Innaallagisserisut qalipaasullu qatserutaasivimmi suli suliassaqarnerat peqqutaalluni, illup allilerneqarnera sapaatip akunnerinik pingasunik kinguartinneqarallareerluni juulip 11-anni sanaartortut atuisussanut tunniuppaat. Sulili suliassaqartoqartoq sanaartornermut akisussaasoq Josef Kreutzmann oqarpoq.
- Qatserisartut majuartarfii qamutillit nutaat illorsuarmut qatserutaasivittaamut eqqunneqarsinnaalereeraluartut suli annertunngitsunik suliassaqarpoq, tassa qalipaasut nati qalipassavaat taamaalilluni qatserutaasiviup allilerneqarnera inaavilluni naammassissaaq, Teknikkimut AvatangiisinulluIngerlatsivimmi sanaartornermut akisussaasoq Josef Kreutzmann oqarpoq.
Qatserisartut majuartarfii qamutillit tummerai qummut 32 meterit tikillugit siaarsinnaasut, qamutitaasa portussusai takissusaalu Qaqortup qatserisarfianut inissaqartikkumallugit kommunalbestyrelsip siuliata alliliinissaq akuersissutigaat.