Kalaallit nunaanni tissaluttoq siullerpaaq maannamullu kisiartaagallartoq juulip 29-anni ukiunik 90-nngortorsiorluni nalliuttorsiutigineqarpoq.
Qaqortumi tissaluttoq 1932-imi eqqaassutissatut pilersinneqarpoq, taanna ujaqqanik qammagaavoq Qaqortullu illoqarfiup qeqqani inissisimalluni. Kuummut ungasinngilaq, kuullu ernganik imeqarluni imermik tissaluttumik kusanartuliatut kusertoqarluni.
Tissaluttoq Pavia Høeghimit titartarneqarsimavoq, qatanngunnilu John Høegh suleqatigalugu sanasimavaat. Tissaluttup qammaata qulaani ipput aqqit eqqaassutissatut allatat, tassaallutik; Qaqortumut tunngaviliisuusimasoq Anders Olsen, issittumi ilisimasassarsiortoq Knud Rasmussen, statmenister Stauning, taalliortoq Henrik Lund, sanasoq Pavia Høegh kiisalu saffiooq John Høegh.
Tissaluttup ukiuni 90-ini nalliuttorsiornerani pilersaarutit uani takukkit