Erinarsuuteqarpoq:
”Nuannaaqaanga ilumut
Nalissaqanngilaq,
pequeqaanga ila
quiasullunga.
Nuannaaqaanga ilumut
nalissaqanngilaq.”
Taalliortoq: Naja Kreutzmann.
Nuannaakuloorpunga, aamma ullumi, Meeqqat ulluanni meeqqat ullorimmassuk.
- Meeqqat ulluat.
- Meeqqat nuannaartut.
- Meeqqat pilerisut.
- Meeqqat nuannarisaminnik sammisaqartut.
- Meeqqat nuannarisaminnik pinnguartut.
- Meeqqat mamarisaminnik peqqinnartunik, aamma meeqqat ulluanni, inuulluataarlutik pilluataartut.
Meeqqat ulluat, aamma, ulloq naallugu nuannissooq.
Sooruna oqaaseq nuannaarneq oqaatigeqattaariga?
Ja, oqaaseq nuannaarneq, nuannersiigami.
Nuannaarlini nuannersiigami.
Aamma sunaluuniit misigissuseq tuniluuttarami.
Nuannaaruma, nuannaaruit nuannaarnerit anaanannut, ataatannut, qatanngutinnut, ningiunnut, ittunnut, kammannut allarpassuarnulluunniit ingerlaqqittarpoq, nuannaalissutaasarluni.
Nuannaartumik eqqanniittoqaraangat, nuannernerusarpoq.
Nuannaaruma, kimut nuannernerpaassava? Uannut! Uannut nuannernerpaasooq, imminut nuannaartissagama.
Taamaattumik nuannaarneq nunarsuarmi nukiit pitsaanerpaat ilagivaat.
Taamaattumik ullumi Meeqqat ulluanni oqaaseq nuannaarneq, tulluartorujussuuvoq.
- Meeqqat nuannaajasuugamik
- Meeqqat nuannaartuugamik.
- Meeqqat qungujulasuugamik illajasuullutillu.
Taamaattuumik ullumi Meeqqat ulluanni, tamaavitta oqaaseq nuannaarneq, misigissuseq nuannaarneq, kikkunnut tamanut misigitillugu, siaruartortigu, nuannaarluta.
Meerannguit tamassi ullumi ulloq nuannerluaqqullugu, oqaaseq nuannaarneq tamatta eqqaamallugu, nuannaarluarnissassinnik kissaappassi. Tamavissilu Meeqqat ulluanni pilluaritsi!
Meeqqeriveqarnermut, Ilinniartitaanermut, Kultureqarnermut, Sulisoqarnermut Sunngiffimmilu ataatsimiititaliami siulittaasoq,
Bibi Kielsen
1. juni 2022.