Atlantikoq ikaarlugu Københavnimiit Narsarsuarmut timmisartorsuaq juullikkut nalaani angalanissaa Air Greenlandip ammaappaa, nunatta kujataanut kujataaniillu angalaniarneq kipiluttunarsinnaasarmat, Kommune Kujalliup saaffiginnissutaa aallaavigalugu, toqqaannartumik periarfissiisoqarnera Kommune Kujallermi Borgmesterip qujamasuutigaa.
- Kalaallit Nunaat Danmarkillu akornanni inuit angalaannavipput. Pingaartumik amerlasuut juullikkunni ilaquttaminnik peqateqarlutik nalliuttorsuit atorusuttarmatigit, juullikkunni eqaatsumik angallassinnaaneq periarfissinneqarpoq. Air Greenlandimiit tusaaniarneqarsimanerput qujamasuutigaara, neriuutigiinnarpara tamanna atorluarneqarumaartoq, Borgmester Stine Egede oqarpoq.
Københavnimiit Narsarsuarmut timminissat pissapput decembarip 21-anni 2022 aammalu januarip sisamaani 2023.