Kommune Kujallermi Isumaginninninnermut Ataatsimiititaliaq aamma ingerlatsivinni aqutsisut ingerlatsineq sammisaralugu Narsami isumasioqatigiissapput.
Missingersuutit ingerlatsinerlu sammisaralugit isumasioqatigiinneq ingerlanneqassaaq, Kommune Kujallermi Isumaginninnermut Ataatsimiititaliami ilaasortat sulisullu naapeqatigiinnissaat Isumaginnittoqarfimmi pisortap isumalluarfigaa.
-Ukioq manna missingersuutit sinaakkusersunnginnerini aapaagussamut missingersuusiorneq tassungalu kissaatinik eqqartueqatigiineq ingerlanneqarpoq, ilanngullugu politikkikkut anguniakkatsammivagut. Qilanaarpunga isumasioqatigiinnermi pissarsiagut atorluarlugit suleriaqqinnissatsinnut, Isumaginnittoqarfimmi pisortaq Nielsine Petersen oqarpoq.
Inunnik isumaginninnermik sulisut kissaataat pisariaqartitaallu aallaavigalugit Isumaginninnermi Ataatsimiititaliami ilaasortat isumaginnittoqarfimmilu aqutsisut peqatigiillutik siorna isumasioqatigiinnerat maanna malitseqartinneqarpoq.
-Siorna isumaginninnermik suliaqartut kissaataat malillugu isumasioqatigiinneq ingerlanneqarpoq, sulisunut politikkerinullu pissarsiaqarfiulluartumik. Isumasioqatigiinneq malitseqartillugu ingerlatsineq missingersuutillu samminerullugit Narsami isumasioqatigiissaagut, Nielsine Petersen oqarpoq.