Nanortalimmi Ilaqutariit illuat maajip arfernaniit 15-iat ilanngullugu ilaqutariinnut Højskolemik taallugu pikkorissartitsissaaq.
Pikkorissarnissami ilaqutariit kikkulluunniit peqataaniarlutik qinnuteqarnissaminnut tikilluaqqusaapput, meerarissallu 15-ileereersimasut pikkorissarnermi ilaatinneqarsinnaallutik.
Familieterapeut Margrethe Nielsen aamma dramamik ingerlatsisoq Valerius Nielsen suleqatigalugit, pikkorissaaneq B 480-p festesaliani ingerlanneqassaaq.
Inuit amerlanerpaamik 25-t inissaqarput, ilaqutariinnut Højskolernissamut peqataarusukkaanni ilaqutariit illuannut ornigulluni imaluunniit oqarasuaatikkut: 614081/614084 attaveqarnikkut qinnuteqartoqarsinnaavoq, ulloq 25. april 2022 nal. 12:00 nallertinnagu.
Malugiuk: Ilaqutariinnut Højskole kalaallisut ingerlanneqassammat, ullullu qulit ataannartumik pikkorissaaffiussalluni.
Pikkorissarnermi ilinniartitsissutaasapput:
● Misigisimasagut, misigisimasat toqqortat imminut qanoq attuumassuteqarnerat.
● Eqqarsaatit pingaarutaat ineriartorneranullu tunngatillugu ilisimasat.
● Siammasinnerusumik ajornartorsiutinut aqutsineq.
● Aperineq aammalu tusarnaarneq aammalu tarrarsorneq.
●Inoqatinut attaveqarniartarneq aammalu paasineqarneq.
● Timi atorlugu imminut paasiniarneq, tiguaasinnaanermik misileraaneq, imminut maluginiarneramik. tiguartissinnaaneq aammalu timi atorlugu misigissutsinik ammarsaaneq.
● Killiffik aallaavigalugu inuttut ataasiakkaanik katsorsaaneq (individuelterapi).
Pikkorissarnerup siunertaa:
● Iliuusitoqqat iperarnissaanut ilitsersuussineq sakkussanillu tunisineq taamaasilluni periarfissat nutaanut iliuusissallu nutaat periarfissanngorniassammata, anguniakkat, eqqarsaatit nuannersut, angusaqarluarnissarlu il.il..
● Pikkorissartut takutissallugit ajornartorsiutit qanoq atorsinnaanerlugit aammalu pissusilersornikkut. sungiusarneqassallutik ajornartorsiutigisap annikinnerunissaanut sunniuteqarsinnaanerat.
● Ajornartorsiutigisaq isumassarsiorfigineqarsinnaavoq allanngoriartortissinnaallugulu.
● Piginnaanerit nutaat nassaarinissaanut ilinniartitsineq sakkussanillu tunineqarneq.
●Inuunermi unittoorfigisartakkamiit iperaanisaq massakkumiillu inuunermik ingerlatsineq.