Ukioq manna Qaqortup eqqaani mittarfiliornissamut aallarnisarnermi suliffissaasinnaasut Majoriamiit eqqumaffigineqarput
- Sullivik sulisut avataaneersut ineqarfissaat, nerisaqarfissaallu suliarineqaqqaartussaapput.
- Kallerup aqqutissaa, kabeleqarfissat, depoteqarfissat, maskiinanik iluarsaassisarfissaq, hangaarit siunissamilu ujaqqanik immikkoortiteriffissat aamma talittarfissaq suliarineqassapput.
Kingusinnerusukkut mittarfiliorneq, qaartiterinerit, terminaalinik sanaartorneq, timmisartut aqqutaat aamma timmisartut unittarfiat, biilinut, bussinullu
unittarfiit nunaminertassai kiisalu Qaqortumut aqqusernut aqqutaasartussap naammassineqarnissaa suliarineqassapput .
Ukiut arlalikasiit kujataani innuttaasunut mittarfiliornissamut aatitassarsiornissamullu atatillugu pikkorissarnerit ingerlanneqartareerput.
Kujataani pikkorissarsimasut katillugit inuit 126-t pikkorissarsimapput.
Suliffeqarfik Canadameersut PENNECON sulilersussanik maanna ujartuivoq.
Qinnuteqarfissat assigiinngitsut nittartakkami suli.gl –mi misissorsinnaavatit. Qinnuteqarfiusinnaasut ilaat 25. april 2022-mut killeqartinneqarput, qaffasissumillu atorfiit soorlu ingeniør, aqutsisut 4. maj 2022-mut killeqarlutik.
Isumaqarussi qinnuteqaatit piumasaqaatai inornartuusut, kisiannili assingusumik pikkorissartarsimallutit suliffeqarfimmut saaffiginnissinnaavutit pikkorissarnermik allagartat ilanngullugit apeqquteqaateqarlusi.
Atorfiit 23-vit qinnuteqarfigineqarsinnaapput.
Ilinniartunngortoqarsinnaavoq: Anlægsarbejderitut aamma Maskinføreritut, ulloq qinnuteqarfissaq kingulleq 25.04.2022 )
Adresse saaffiginniffissaq:
PENNECON, Issortarfimmut 6,102 , 3905 Nuussuaq , telefon 321252, email : Qaqortoq-airport@pennecon.com.
Nalorniguit kujataani Majoriaqarfinnut saaffiginnissinnaavutit, sulisumiillu ikiortillutit suliffiit arlaat qinnutigisinnaavat .
Qinnuteqarluarisi.