Sapaatit akunnerisa pingasut matuma siorna februarip naanerata missaani Kommune Kujallermi aningaasaqarnermut immikkoortortamit paasineqarpoq innuttaasunut suliffeqarfinnullu eqqagassalerinermut meeqqerivinnullu akiligassiissutit inuttassaminnut apuussimanngitsut, tamannalu aatsaat paasineqarpoq suliffeqarfiit pisassaraluaminnit ilanngaatsittalermata kiisalu suliffeqarfiit februarimi martsimilu akiligassiissutinik ilanngaataasalersunik tigusaqarsimannginnerat paasineqarmat.
Kommune Kujalleriit akiligassanik nassitsisarneq ima ingerlasarpoq akiligassiineq pillugu paasissutissat Danmarkimi Netsimut nassiunneqartarlutik, tassanngalu naqinneqariarlutik poortorneqarlutik tigusisussanut nassiunneqartarlutik, ajoraluartumillu tamanna januar, februar martsimilu 2022 pisimanngilaq.
Pineqartut tassaapput eqqagassalerinermut akiligassanik tigusissat 1.360 missaaanniittut, januar 2022-imi akilerneqartussaagaluit, kiisalu januar, februar martsimilu meeqqerivimmut akiliutissat.
Tamatuma saniatigut Nets atorlugu akiliisarnissamik Kommune Kujallermut isumaqatigiissuteqartut soorlu eqqagassalerinermut allanullu ilanngaatsissimanngitsut akiligassaq allakkatigut tigugunikku misissuilluassapput, Kommune Kujalliullu naatsorsuutigaa atortut 1. april 2022-miit pissusissamissut ingerlaqqilissasut.
Aningaasaqarnermut immikkoortortaq Nuummi Pisortat qarasaasiaqarfiannik kiisalu Danmarkimik Fujitsumik suleqateqarluni ajornartorsiummik aaqqiniarsarivoq ajornartorsiut nalaanneqaqqittussaajunnaarlugu, sulilu periaaseq ineriartortinneqarpoq, tullinnguuttorlu tassaavoq siunissami akiligassat E-boks atorlugu nassiunneqartalissasut, tamannalu periaatsimik qaammataaluit qaangiuppata akiligassanik tigusisarnermi periuaasiulertussamik misileraanermut aallaqqaataavoq.
Kommune Kujallermi sulisut akiligassanik eqqaaneqareersunik nassiutinngitsuukkanik 1.760-nik naqiterillutillu poortuileruttorput taavalu kinguaattoorutit nassiunneqareersut akiliisitsiniartarfimmut ingerlaqqissimasut aaqqinniarsaralugit.
Innuttaasunut suliffeqarfinnullu teknikkikkut ajornartorsiutinit siuliani oqaatigineqartunit eqqugaasunut Kommune Kujalleq sulisullu ajuusaarput neriullutillu qanittukkut pissutsit iluarsissasut, aammali E-boks atorneqaleriarpata taakkununnga ajornartorsiutitaqanngitsumik ikaarsaarnissaq neriuutigalugu.
Kim J Rosendahl
Aningaasaqarnermut pisortaq