Kommune Kujallermi kommunalbestyrelsip anguniagaraa allaffissornermi aaqqissuussaanikkut allannguinissaq. Allannguinissamut atatillugu sulineq ingerlavoq, maannalu piffissanngorpoq Kommune Kujallermi ingerlatsiviulertussat sisasamat taaguutissaanik nassaarnissaq.
Illillu ingerlatsiviulertussat kalaallisut taaguutissaannik siunnersuuteqarsinnaavutit, unammisitsinnermi ajugaasup/ajugaasulluunniit pooqattaq Kommune Kujallermiit eqqugassanik assigiinngitsunik immerneqarsimasoq pissarsiassaraat.
Ingerlatsiviit taaguutissaannik unammisitsinnermi peqataaniaruit ingerlatsiviulertussat sisamaasut ataasiakkaarlugit taaguutissaannik siunnersuuteqarfigissavatit. Unammisitsinermi siunnersuutigineqartut kommunalbestyrelsimit nalilersorneqassapput.
Siunnersuutigisatit kingusinnerpaamik maajip 16-ianni nalunaaqutaq 14.00 uunga mailimut nassiutereersimassavatit:
Ingerlativiulertussat sisamaasut pillugit paasissutissat:
Aningaasaqarnermik Inuussutissarsiornermillu Ingerlatsivik
Ingerlatsivik pisortaanermit aqunneqassaaq ukuninngalu immikkoortortaqarluni
- Aningaasaqarneq
- Inuussutissarsiorneq
- Sulisoqarnermut allaffik akissarsialerivillu
- Allattoqarfik attaveqatigiinnerlu
Politikkikkut sullissineq kiisalu qitiusumik allattoqarfimmi ataatsimut sullissineq, tassa ingerlatsivinnik tamanik sullissineq, ingerlatsiviup suliassaraa. Oqartussaqarfiit assigiinngitsut suleqatigiinnerat nunanillu tamalaanik suleqateqarneq ingerlatsivimmiit aallarnerneqartarpoq ataqatigiissaarneqarlunilu.
Meeqqeriviit, Ilinniartitaaneq, Suliffeqarneq Kulturilu
Ingerlatsivik ingerlatsivimmi pisortamit siulersorneqassaaq makkuninnga immikkoortortaqarluni:
- Meeqqeriviit atuarfiillu
- Kultur Sunngiffillu
- Ilinniagaqarneq suliffeqarnerlu
Ingerlatsiviup suliassaa tassaavoq politikkikkut sullissineq kiisalu immikkoortortanut ataatsimut sullissineq.
Teknikkimut Avatangiisinullu Ingerlatsivik
Ingerlatsivik ingerlatsivimmi pisortamik aqunneqassaaq, ingerlatsivillu makkuninnga immikkoortortaqarfeqarpoq:
- Allaffissorneq aningaasaqarnerlu
- Ingerlatsinermut Immikkoortoqarfik
- Avatangiisinut Oqartussaqarfik
- Nunaminertanut Illuliornermullu Oqartussaqarfik
- Pilersaarusiornermut nunaminertanullu oqartussaqarfik
- Upalungaarsimanermut oqartussaqarfik
Ingerlatsivik siammasissunik suliassaqarfeqarpoq. Ingerlatsiviup kommunip attaveqaatilersugai, silami nunaminertanik eqqiluitsitsinerit, kommunip illuutaanik aserfallatsaaliinerit sanaartornerillu, kommunimut pilersaarusiorneq, upalungaarsimaneq kiisalu eqqagassanik suliaqarnerit suliarisarpai. Ingerlatsivik politikkikkut innuttaasunullu sullissisussaavoq.
Inunnut Isumaginninnermik Ingerlatsivik
Ingerlatsivik isumaginninnermut pisortamit aqunneqassaaq suliassallu tassaallutik pisortat suliassaat ingerlatsiviillu makkununnga immikkoortortaqarfeqassaaq:
- Atorfilittat aamma Aningaasaqarneq
- Meeqqqat inuusuttullu
- Timikkut tarnikkullu innarluutillit aamma Tarnikkut nappaatillit inuttut atugarisaasigut sullissineq
- Pisortanit ikiorsiissutit aamma pinngitsuuisinnaajunnaarnermut katsorsartinneq.
- Pensiuunisiallit, utoqqaat aamma angerlarsimaffimmi ikiorteqarneq
- Pinaveersaartitsineq
Unammisitsinermut peqataalluarina!