Eqqarsaatigisarpiuk imigassamik, ikiaroornartumik imaluuniit aningaasanoornermik pinngitsuuisinnaajunnaarnerit katsorsarusullugu? Kisianni, nalornissutigalugulu qanoq ingerlariaqqissanerlutit?
Taamaappat imigassamik, ikiaroornartumik/hash-imik aningaasanoornermilluunniit ajornartorsiuteqaruit Allorfimmi katsorsartissinnaavutit.
Allorfik tassaavoq; Pinngitsuuisinnaajunnaarnermik Paasisimasaqarfik. Ullumikkut Allorfiit katsorsaavianni Aasianni, Ilulissani, Nuummi, Qaqortumi Sisimiunilu pinngitsuuisinnaajunnaarninnut katsorsartissinnaavutit.
Allorfiup Katsorsaavik suleqatigaa, taamaammat sumiiffigisanniiginnarlutit Katsorsaavimmiit angalasunit najugarisanni katsorsartissinnaassallutit.
Katsorsaavimmiit angalasunit katsorsaasartut periarfissiipput sapaatip akunnerini ukunani sap. ak. 11-16 Narsami katsorsaassallutik.
Katsorsartinnivit ingerlanerani unamminartoqarpat, uniinnannginnissat anguniarlugu pisariaqartitsininni piffissaliinikkut inunnik isumaginninnermi siunnersortimik oqaloqateqarsinnaanissat periarfissaavoq.
Katsorsartinnissamut soqutiginnikkuit saaffiginniffissaq:
Inersimasuni inunnik isumaginninnermi siunnersorti
Margrethe Kristoffersen
Mail: mkri@kujalleq.gl
Tlf. 38 15 08