Imigassallersinnaanermut inertequteqalerneq jannuarip 26-ianniit februaarip qulingiluaat ilanngullugu atuutissaaq.
- Kommune Kujallermi imigassamik matusigallarneq peqqinnissaqarfimmi sulisunut, inunnik isumaginninnermi suliaqartunut aamma politiit sulinerannut oqilisaassissasoq qularnanngilaq. Ukiummi taamaalinerani akissarsiffimmi aamma feriepengesisussat aningaasarsitinneqarneranni suliffiit taariikkakka suliassaqarnerulertarput. Taammaattumik covid-19-ip tuniluunnerani ilaatigut amigarlutik sulineranni qaavatigut suliakkerneqannginnissaat siunertaralugu matusigallartariaqarpugut. Nalunngereerparput matusigallarneq annertuumik imigassamik atuisoqarneranik qaangiisitsinavianngitsoq, sulisulli inuiiaqatigiinni pisariaqartinneqartut eqqarsaatigisariaqaratsigit matusigallarneq pisariaqarpoq, borgmester Stine Egede oqarpoq.