Inuit Ataqatigiit Kummune Kujallermi Atassut suleqatigiunnaarpaat

All.: Piitaq Lund, Inuit Ataqatigiit, gruppeformand.

Piffissami sivittortumi Atassummit suleqatigiinnerput nalilersoreerlugu uggornaraluaqisumik aaliangertariaqalersimavugut Atassut suleqatigiunnaassallugu. Tamannalu oqaloqatigeereernermi paaseqatigiiffiusumik pivoq.

Suleqatigiinnissamik pilersitsigatta isumaqatigiissutigisimavarput Atassutip Kulturimut sunngiffimmullu siulittaasuuffik tigussagaa. Ajoraluartumilli maannamut ingerlatsineq naammaginarsimanngilaq, ilaatigut qaamatit tamaasa ataatimiittoqartarani.
Suliassat imaannaanngitsut utaqqipput, ilaatigut 2030-imi aalanerulernissamik siunertaqarneq nammineerluni takkunnavianngitsoq nalunngilarput. Aammattaaq kommuunitut tikikkuminassutsitsinnut inerisaalluassagutta susassaqarfik pineqartoq annertuumik akisussaaffeqarpoq suliassaqarlunilu. Isumaqarpugut pitsaanerusumik politikkikkut susassaqarfik pineqartoq siulersorneqartariaqartoq.

Taamaattumik maanna killiffik nalilersorluareerlutigu taama aalajangertariaqarsimavugut.

Kommune Kujallermi Inuit Ataqatigiit kommunalbestyrelsemi ilaasortaat.