Tallimanngorneq januaarip ulluisa arfineq-aappaanni Sarfaq Ittuup ilaasui 55-it Qaqortumut Narsamullu niusinneqarput. Taakkunannga ilaqutariit qulit kommunimit ikiorneqarlutik akunnittarfimmut inissinneqarput.
Air Greenland januaarip ulluisa arfernganni nalunaarpoq 16. januar nallertinnagu billetsisisoqarsinnaangitsoq, ilaasinnaasullu killeqartinneqassammata allanngortitsisoqarumaartoq. Taamaammat ilaasut Qaqortumiit Narsamiillu ingerlariaqqissinnaajunnaarsimasut apuunnissaannut suli ullorpassuusinnaapput.
Taakku ingerlariaqqinnissaat qularnaarniarlugu AUL qanoq iliorpa?
Ilaasut Qaqortumiit Narsamiillu ingerlariaqqinneq ajulersut qaammatip affarsuani angerlamut apuunneq ajuleqqasussaajunnaarlugit immikkut iliuuseqartoqartariaqartoq isumaqarpugut.
Ilinniartoqarpoq aqaguinnannguaq soraarummeertussanik, suliartortussaqarporlu, aammalu angalasoqarpoq sulinerminnut atatillugu Nuummiit allanut ingerlaqqittussanik.
Sikorsuit pissutigalugit umiarsuit ilaasartaatit kujammut apuunneq ajuleraangata Air Greenlandip attartorneqartarnera siornatigut misigereerparput.
Ilaasuttaaq ingerlariaqqinneq ajulersut umiarsuaatileqatigiinniit pitsaanerusumik paasissutissinneqartariaqarput. Ajoraluartumilli kommunitut paasissutissiinermi tassani ikiuussinnaanngilagut paasissutissanik peqannginnatta.
Pissutsit immikkut illuinnarmata piaarnerpaamik qanoq iliuuseqartoqartariaqarpoq.
Borgermesterip Stine Egedep allagaa: Ilaasunut Qaqortumit Narsamiillu ingerlariaqqissinnaajunnaarsimasunut immikkut timmisartuliisoqartariaqarpoq
Udgivet d. 08. januar 2022