Nunarsuarmi anguniakkat 17-it pillugit Tasersuup Atuarfiani atuartut akulliit sammisaqareerlutik saqqummiinerminni Kommune Kujallermi Borgmesteri Stine Egede qaaqquaat.
Nunarsuarmi anguniakkat 17-it ilaanni qulequtaq ataaseq klassikkaarlutik sammivaat, atuaqatigiillu 5.B-t qulequtaq Inoqarfiit Piujuartitsiffiusut toqqarlugu sammillugu. Eqimattakkaarlutik suliaqarnerminni nammineerlutik ineriartortitaminnik pilersitsisuusaarput, tassaallutik: uumasuusivik, nukkassartarfik meeqqanut tulluarsagaq, illoqarfik illussaqarnerusoq, tivoli aamma mamakujoorniarfik.
- Meeqqat siunissagut isumalluarnat, takullugit assut nuannaarnarpoq takorluukkaminnik saqqummiussisinnaammata, Kommune Kujallermi Borgmesteri Stine Egede oqarpoq.
Akullerni specialklassimi S2A-mi atuartut sammivaat rmeq saligaatsoq, Qaqortumi imeqarfiusoq Tasersuaq immikkut sammillugu. Tasersuarmi eqqagassat imitaatalu qanoq ipeqartiginera sammivaat, aamma Tasersuaq sinerlugu pisuttuarfigineqartarmat eqqaavinnik allagartanillu mingutsitsinnginnissamut tunngasunik pilersorneqarsinnaalluartoq Kommunimut siunnersuuteqarput.
- Qaqortumi Tasersuaq pillugu atuartut siunnersuutaat uisitsipput, taamaammat suliassanik malitseqartinniassallugit eqqumaffiginerussavagut, Stine Egede oqarpoq.
Tasersuup Atuarfiani akullerni atuartut nutaaliorneq aallaavigalugu Nunarsuarmi anguniakkat 17-it sapaatip akunneri marluk sammivaat.