Asasakka Kommune Kujallermi innuttaasut tamannguassi, sapaassuarmi pilluangaaritsi.
Advent sapaataasa siullianni, sapaassuarmi, sungiusimasatsitut iterpugut angerlarsimaffipput soorlu oqornerulersimasutut misiginartut, tassami ullorissat, allallu juullimut qilanaartuutitullusooq qaammaqqutit inigisatsinni kissalaamik soorlu tunisiinannguartut.
Ullualuillu qaangiuppata meerartavut ammartakkaminnik ammaallutik aallartissinnaanngussapput, juullillu tungaanut ullut ikiliartorneri malinnaaffigilluarsinnaanngorlugit. Ilaat siullermeerlutik ammaaqqaartussat.
Juullip qaamataa aallartikkaangat meeraanermiit eqqaamasat puttussuututullusooq ittarput, asanninnermik pilluarnermillu imaqaqalutik tipaatsuffiusut.
Juullip qaamataani sila issilluartarmat ullukkut salami pinnguarluarsimalluni, qiiakujulluni iserluni, sinngualaarluni nerilluarsinnarluni, radio tusarnaajutigalugu juullerpaluttunik qiortaanerit assassornerillu ilitsoqqussaraavut. Qaqugumullu puijugassaanngillat.
Ilaqutariittut ataatsimoornissamut qilanaarneq amerlanerit pigaat, ilaqarpugulli asasaminnik maqaasisaqarlutik juullisiortussanik. Asasavut akornatsinniikkunnaarsimasut nalliuttuni eqqaammangaartakkavut qamannga uummatitsigut najorpagut. Taasuminngalu arsaarneqarsinnaanngilagut.
Qujamasuutigingaarparalu ilitsoqqussaq uummatitsinni tunissutaasoq, kinguaariinniit kinguariinnut ingerlateqqinneqartuartoq meerartatsinnut ingerlateqqillugu ukiumi taarsisalernerani ataatsimoorluta qaammaqqutissatsinnik ikititerinerput.
Nunaqarfittatsinni illoqarfittatsinnilu allani pisarneq malillugu ataatsimoorlutik sapaassuarmi orpimmik ikitsisut eqqaamaqaakka, orpiup qaamanermik tunisinera nuannaarnermik neriunnermillu tunisiumaartoq neriuutigingaarpara.
Orpiit illoqarfittatta Danmarkimi illoqarfittut ikingutigisaanniit tunissutaasut kusanangaarlutillu ikinneqartut periarfissaq manna iluatsillugu kommunalbestyrelse sinnerlugu tunissuteqartunut qujarusuppunga.
Ukiorpassuarni ileqqoq tanna innuttaasunut nuannaarnermik misigititsisarpoq.
Juullip ulluini nalliuttunilu ajunngitsuliortarneq asanninnerlu pigisarput tullitsinnut misigitittaritigutoq, ikioqatigiinnitsigummi meerartatsinniit utoqqartatsinnut nuannaarnermik tunissuteqarneq qamuuna pisuunguutigissagatsigu.
Nunaqqatikka asasaminnik qimagaasimasut, juullip tungaanut maqaasisaqarlutik uummammioqartut, asanninnerullu pianik qullilisut misiginneqatigingaarpakka; qanortoq asanninnermik nukissaqartitaallutik asasaminnillu najorneqarlutik juullip tipaatsunnartuanik misigitinneqarilik.
Qanoq misigisimagaluarutta sumiluunniit juulli ataasiusutut oqaatiginiarneqartarnera upperilluinnarpara, eqqaamagitigulu juulli tunissutissanik akisuunik aallaaveqanngimmat, asanninnermilli tunisineq tipaatsunnermik misigiffiusarmat.
Meerartagut paaralugit juullip tungaanut ingerlaqatigiinnissarput juullimut kissaatima annersaraat; tamannguassi juullisiorluarnissassinnik kissaallusi sapaassuarmi qamannga pisumik pilluaqqungaarpassi.
Ullualuillu qaangiuppata meerartavut ammartakkaminnik ammaallutik aallartissinnaanngussapput, juullillu tungaanut ullut ikiliartorneri malinnaaffigilluarsinnaanngorlugit. Ilaat siullermeerlutik ammaaqqaartussat.
Juullip qaamataa aallartikkaangat meeraanermiit eqqaamasat puttussuututullusooq ittarput, asanninnermik pilluarnermillu imaqaqalutik tipaatsuffiusut.
Juullip qaamataani sila issilluartarmat ullukkut salami pinnguarluarsimalluni, qiiakujulluni iserluni, sinngualaarluni nerilluarsinnarluni, radio tusarnaajutigalugu juullerpaluttunik qiortaanerit assassornerillu ilitsoqqussaraavut. Qaqugumullu puijugassaanngillat.
Ilaqutariittut ataatsimoornissamut qilanaarneq amerlanerit pigaat, ilaqarpugulli asasaminnik maqaasisaqarlutik juullisiortussanik. Asasavut akornatsinniikkunnaarsimasut nalliuttuni eqqaammangaartakkavut qamannga uummatitsigut najorpagut. Taasuminngalu arsaarneqarsinnaanngilagut.
Qujamasuutigingaarparalu ilitsoqqussaq uummatitsinni tunissutaasoq, kinguaariinniit kinguariinnut ingerlateqqinneqartuartoq meerartatsinnut ingerlateqqillugu ukiumi taarsisalernerani ataatsimoorluta qaammaqqutissatsinnik ikititerinerput.
Nunaqarfittatsinni illoqarfittatsinnilu allani pisarneq malillugu ataatsimoorlutik sapaassuarmi orpimmik ikitsisut eqqaamaqaakka, orpiup qaamanermik tunisinera nuannaarnermik neriunnermillu tunisiumaartoq neriuutigingaarpara.
Orpiit illoqarfittatta Danmarkimi illoqarfittut ikingutigisaanniit tunissutaasut kusanangaarlutillu ikinneqartut periarfissaq manna iluatsillugu kommunalbestyrelse sinnerlugu tunissuteqartunut qujarusuppunga.
Ukiorpassuarni ileqqoq tanna innuttaasunut nuannaarnermik misigititsisarpoq.
Juullip ulluini nalliuttunilu ajunngitsuliortarneq asanninnerlu pigisarput tullitsinnut misigitittaritigutoq, ikioqatigiinnitsigummi meerartatsinniit utoqqartatsinnut nuannaarnermik tunissuteqarneq qamuuna pisuunguutigissagatsigu.
Nunaqqatikka asasaminnik qimagaasimasut, juullip tungaanut maqaasisaqarlutik uummammioqartut, asanninnerullu pianik qullilisut misiginneqatigingaarpakka; qanortoq asanninnermik nukissaqartitaallutik asasaminnillu najorneqarlutik juullip tipaatsunnartuanik misigitinneqarilik.
Qanoq misigisimagaluarutta sumiluunniit juulli ataasiusutut oqaatiginiarneqartarnera upperilluinnarpara, eqqaamagitigulu juulli tunissutissanik akisuunik aallaaveqanngimmat, asanninnermilli tunisineq tipaatsunnermik misigiffiusarmat.
Meerartagut paaralugit juullip tungaanut ingerlaqatigiinnissarput juullimut kissaatima annersaraat; tamannguassi juullisiorluarnissassinnik kissaallusi sapaassuarmi qamannga pisumik pilluaqqungaarpassi.