Kommune Kujallermi Upalungaarsimanermut ataatsimiititaliaq qulimiguullit H155-it Narsarsuarmi aalajangersimasumik uninngatinneqartarnissaannut ernummateqarpoq.
Air Greenlandip qulimiguujutini Bell 212-it 2022-p aasaani H155-inik taarsernissaanut Qaqortumi qulimiguulinnut hangariliornissani pilersaaruteqarfiginngilaa. Qulimiguulimmut H155-imut Qaqortumi hangari mikivallaarmat qulimiguullit taakku Narsarsuarmi aalajangersimasumik uninngasassasut Upalungaarsimanermut ataatsimiititaliap paasivaa.
Timmisartortartunik allanik, HOIST operatørinik, nakorsanik politiinillu atorfissaqartitsilernermi taakku Qaqortumut aaneqartariaqartassapput. Air Greenland qulimiguulinnut nutaanut Qaqortumi hangariliornianngippat annaassiniartoqassatillugu tamanna kinguarsaataasinnaavoq. Tamanna pissusissamisuunngilaq.
"Annaassiniartoqassatillugu allatigullu suliaqartoqassatillugu tamakku imminut illersorsinnaasumik sapinngisamillu piffissartorfiuallaanngitsumik ingerlanneqartarnissaat Upalungaarsimanermi ataatsimiititaliami siulittaasutut tamanna soqutigilluinnarpara. Neriuutigaaralu Air Greenlandip aalajangiisussallu allat tamanna ilanngullugu eqqarsaatigiumaaraat, borgmesteri Upalunaarsimanermilu ataatsimiititaliami siulittaasoq oqarpoq.