Arsarpassuit 300-nit ikinnerunngitsut Kommune Kujallermi meeqqanut agguaanneqartussat siulliit tallimanngornermi oktobarip arfineq-pingajuanni 1.-3. klassinut agguaanneqarput.
Arsaq nuannaarnermik, kammagiinnermik allatigullu nuannersumik pilersitsisinnaasartoq tunissuteqartup Lions Clubbip oqaatigaa.
- Arsaq nuannersumik nuannaarnermik, kammalaatinik nutaannik, meeqqani inuussuttunilu nukissamik pilersitsisarpoq. Aalanerlu timimut peqqinnartuuvoq, arsallu pinnguarinerani timi akunnerpassuarni aalasinnaasarpoq, nunatsinnilu ivigaasanik arsaattarfilinnik ulikkaarpoq, taamaammat meeqqamut ataasiinnarmuunngitsoq meeqqanut inuusuttunullu tamanut iluaqutaalluarsinnaalluni, Otto Motzfeldt Lions Club sinnerlugu oqarpoq.
Kommune Kujallermi meeqqat illoqarfinni, nunaqarfinni savaateqarfinnilu najugaqartut arsat nassiussuunneqaleruttorput.