Kujataani aalisartut piniartullu ulluni marlunni siunissamut takorluukkat pillugit isumasioqatigisinneqassapput
Oktobarip 20-anni aamma 21-anni Hotel Qaqortumi isumasioqatigiinneq ingerlanneqartussaq
Kommune Kujallermit aamma Innovation South Greenlandimit suleqatigiissutigineqarluni aaqqissuunneqarpoq.
-Kommune Kujallermi inuussutissarsiutitigut ineriartortitsiniarnitsinni sukarsuit sisamaasut ilagaat aalisarneq. Inerisaaniarnitsinnilu susassaqartut peqatigalugit isummanik siunnerfinnillu pissarsiffiusumik oqalliseqatigiinnissarput pingaaruteqarpoq. Aalisarnermi pillugu ataatsimiititaliarsuup kisitsisit saqqummiussai qiviaraanni kujataani aalisarneq annikitsuararsuuvoq, tamannalu allanngortinniarlugu siunissamut isigisumik eqqartueqatigiinnissaq pisariaqarmat isumasioqatigiinnissamut qilanaarpunga, Innovation South Grenlandimi pisortaq Allan Chemnitz oqarpoq.
Isumasioqatigiinnissaq kujataani aalisartuniit susassaqartunillu allanit assigiinngitsunik peqataaffigineqartussaq siunissami aalisarneq pillugu siunnerfeqarnissamik siunertaqarpoq.
-Kommune Kujallermi aalisarneq pillugu politikkikkut siunnerfeqalernissaq isumasioqatigiinnerup qitiusumik siunertarivaa, Isumasioqatigiinnissamut atatillugu avataaniit siunnersortitut suleqataasoq Poul Bloch Jensen oqarpoq.