Kommune Kujallermi Kulturimut, Sunngiffimmut Pitsaaliuinermullu Ingerlatsiviup ataani immikkoortortat takussutissianik allagartanik nivinngaassuiffigineqaleruttorput.
Allagartat nutaaliaasut immikkoortortat paasissutissaannik kalaallisut, qallunaatut tuluttullu allannillit ingerlatsiviup allaffiisa silataannut nivinngaassorneqaleruttorput.
- Narsami, Qaqortumi Nanortalimmilu ingerlatsivitta ataani immikkoortortat illutaasa silataanni allagartamik peqalissapput, ilaallu peqalereerlutik. Kulturimut, Sunngiffimmut Pitsaaliuinermullu Ingerlatsivik ataatsimiititaliaq suleqatigalugu allagartassaannik piniarnikuuvugut, Mikael Mansi Rasmussen oqarpoq.
Illoqarfinni klubbit, Qaqortumi atuakkanik atorniartarfik, Ingerlatsivik, Kateriffik Qaava aamma Narsami innuttaasut illuat allagartamik peqalissapput.