Ataasinngornermi oktobarip ulluisa 18-ianni Isumaginninnermut Pisortaq aamma utoqqaat illuanni Ajarsivasimmi najugallit sulisullu naapeqatigiipput.
Kommune Kujallermi Isumaginninnermut Pisortaq Nielsine Petersenip utoqqaat illuanut Ajarsivasimmut takornariarlunilu najugaqartut sulisullu kaffisoqatigalugillu naapeqatigai. Ataatsimuualaarneq pissarsiaqarnartoq Isumaginninnermut Pisortap iluarisimaarpaa.
- Ajarsivasimmi najugaqartut sulisullu naapeqatigalugit iluaraara, taamatut ilasseqatigiinissamut saaffiginnissutiga tigulluarmassuk. Ajarsivasiup iluani pissutsit qanimut takullugillu paasigakkit uannut iluarpoq, taamaalillunga pisariaqartinneqartut amigaatigineqartullu qanimut takuakka, Nielsine Petersen oqarpoq.
Qaqortumi utoqqaat illuat Ajarsivasik utoqqarnut 48-nut inissaqartoq 45-nik najugaqartuuteqarpoq.