Kommune Kujallermi aqutsinermi atortorissaarut ERP aningaasaqarnermillu aqutsinermi atortorissaarut.
Aqutsinermi atortorissaarummik ERP-mik atuilerniarluni suliaq 2012-imi aallartinneqarpoq, taamanilu aalajangerneqarpoq Namminersorlutik Oqartussat kiisalu Kalaallit Nunaanni kommunit pisortani aningaasaqarnermut aqutsinermullu atortorissaarummik atuilissasut, taamalu Kalaallit Nunaanni pisortat suliffeqarfiutaanni paasissutissat assigiit atorneqarsinnaalissallutik.
Namminersorlutik Oqartussat qasseerpassuartigut aporfissaqartarsimapput, aammali kommunit aningaasaqarnermut aqutsissut eqqarsaatigalugu aporfissaqartarsimammata suliaq kinguaattoorfiusimavoq, aporfiusimasullu amerlanerit ullumikkut aaqqereerneqarsimalissammata Kommune Kujalleq kommunini kingullerpaalluni paasissutissanik aningaasaqarnermut aqutsissutitoqqamiit (winformatik) aqutsissummut nutaamut (AX2012) maanna nutserinialeruttorpoq.
Kommune Kujalleq aningaasaqarnermik aqutsissummut nutaamut 1. september 2021 ikaarsaarluni aallartippoq, tamannalu pissutigalugu kommunimiit kommunimullu akiliinerit nalunaarsorneqarnerat kinguaattoorfiusinnaavoq, kisiannili kommunip akiliisarfiisigut qarsaasiakkullu akiliineq suli ajornanngilaq.
Aningaasaqarnermik aqutsissummut nutaamut ikaarsaarneq pissutigalugu Aningaasaqarnermik Ingerlatsivik 2021-mi septemberip qeqqata tungaanut aningaasanik nuussinernik nalunaarsuisinnaananilu naatsorsuutinut immiussisinnaanngilaq, taamanikkussarlu ulluinnarni suleriaatsit ilarpaalussui allanngortinneqarumaarput.
Taamaammat kommunimut kommunimiillu akiliinerit aatsaat 2021-imi septemberip qeqqani nalunaarsorneqarsinnaalissapput.
Innuttaasut suliffeqarfiillu ikarsaarnermik sapinngisamik eqqorneqannginnissaat kommunip ilungersuutigaa, neriuppugullu kinguaattoortoqassagaluarpat allatulluunniit aningaasaqarnermik aqutsissummut tunngasumik pisoqassagaluarpat naammagittarlusilu paasinnilluassasusi, kommunimmi sulisuisa aamma AX2012 atornissaa ilinnialeruttorpaat.
Kommune Kujallermut sullissisut eqqarsaatigalugit ilisimatitsissutigineqarsinnaavoq sullitanut normut Kommune Kujalliup tunniussimasai atorneqarsinnaajunnaassammata kisiannili cvr. nr. nalunaarsuinermi atorneqalissammata (www.cvr.dk).
Tamatuma saniatigut sullissisut kajumissaarneqarput GLN Nr. akiligassiissutini nalunaartaqqullugu, taamaalilluni akiligassaq immikkoortortamit eqqortumit tiguneqarsinnaasassaaq, taamalu akiligassaq pilertornerumik suliarineqarlunilu akilerneqarsinnaassallluni, Kommune Kujallermi GLN-it allassimaffii uani nassaarisinnaavatit Driftsenhedsnummer .
Aningaasaqarnermut Ingerlatsivimmi pisortaq
Kim Rosendahl