Qaqortumi ammeriviup Great Greenlandip siornatigornit puisip amiinik ikinnerusunik tunisinikinnerugaluarluni 2020-mi 4 mio. koruuninik sinneqartooruteqarpoq. Kommune Kujallermi borgmesterip Stine Egedep Great Greenlandip sinneqartooruteqarsimanera nunannaarutigaa.
-Great Greenlandip sinneqartooruteqarsimanera nuannaarutissaavoq annertooq, Kommune Kujallermi suliffeqarfittut aalajaatsutut ingerlanera nuannaarutigeqaarput, nunatsinnilu piniartortatsinnut iluaqutaanera qujanaqaaq, taama oqarpoq Kommune Kujallermi borgmesteri Stine Egede.
Great Greenlandimi puisip amiinik suliat ineriikkat nioqqutigineqartartut, soorlu taskit, isersimmatit, matuersaaserfiit pinnersaatillu amertallit malunnaatilimik nioqqutaallualersimapput.
-Great Greenlandip nunatta avataannut tunisisarnermikkut nunarput nunattalu kujataa annertuumik nittarsaattarpaat, Stine Egede oqarpoq nangillunilu:
Paasisat kingulliit takutippaat puisip amiinik tigooraanneq qaffariaateqarsimasoq, tamanna aalisakkat akii apparneranik peqquteqarsimasinnaagaluartoq, piniartullu puisinniarnerulersimanerat ammerivimmut iluaqutaavoq, Stine Egede naggasiivoq, Great Greenlandimilu sulisut ingerlatsisullu qutsavigalugit.
Great Greenlandip sinneqartooruteqarnera nuannaarutaavoq
Udgivet d. 16. august 2021