Kommune Kujalleq allaanerulluni savaateqarfinnik avatangiiseqarpoq. Taakku siammasissumi inissisimapput, ilai n unaqarfinni ilaat avatinnguini, allallu asimiillutik.
Savaatiliup nunaatini inuussutissarsiutiminut isumalluutigai, mianeralugillu naalluarnissaat nakkutigisarlugit. Aasaq sivikitsunnguummat pissarsiffigilluarumallugit naatilluarumasarpai.
Taamaammat tikeraartutsinnut takornarianullu kissaateqarpugut ima:
• Narsaatikkut pisunnak, aqquserngit aqqusineeqqallu ingerlaffigisakkit.Narsaatit ungalullit nunaqarfiulluunniit ungalui ammarukkit, assinganik matoqqittakkit.
• Maangaannaq eqqaanak eqqaaviit atortakkit, asimiikkuit angerlaatikkit.
• Tuperniaruit narsaatini tupernak, nunaqartut aperikkit sumi tupersinnaanerlutit.
• Qimmeqaruillu perlerornermut akiuussutissamik kapitissimassaaq, sillimmateqarluni pituutaqarlunilu.
Savanut, kukkukuunut, uumasunullu allanut ajoqqusiisisoqarsinnaanera pinngitsoortinniarlugu tamanna piumasaqaataavoq. Ajoqqusiisoqarsimasorigukku periarfissaq siulleq atorlugu qaninnerpaamut saaffiginnigit.
Malugiuk savaatillit qimmiinut pitusimatitsinissaq piumasaqaataanngimmat, qimmit sungiusimasaminni avatangiisiminniimmata.
Pinngortitami kusanartumi misigisaqarluarnissamik kissaassillunga
Stine Egede
Kommune Kujallermi borgmesteri