Kujataani Covid-19-imut siullermeertunut aappassaaneertunullu akiuussutissamik kapuuinerit ingerlanneqaleruttorput.
Sumiiffinni ukunani: Narsarsuaq, Narsaq, Qaqortoq aamma Nanortalik taakunani kapuuinerit ingerlanneqassapput. Savaatilinni nunaqarfinnilu najugallit illoqarfinnukarlutik akiuussutissamik kapitissinnaapput.
Ataani sumiiffinni paasissutissat takukkit.
Narsaq:
Pingasunngornermi juulip ulluisa 21-anni nal.: 14:00-imiit 19:00-ip tungaanut Narsap Timersortarfiani akiuussusersuisoqassaaq. Piffissamik inniminneeqqaarani kapitikkiartortoqassaaq.
Nanortalik:
Tallimanngorneq juulip ulluisa 23-anni nal.: 12:00-imiit 18:00-ip tungaanut Nanortallip Timersortarfiani akiuussusersuisoqassaaq. Piffissamik inniminneeqqaarani kapitikkiartortoqassaaq.
Narsarsuaq:
Tallimanngorneq juulip ulluisa 30-anni nal.: 09:00-imiit 11:00-ip tungaanut Narsarsuup Hoteliani akiuussusersuisoqassaaq. Piffissamik inniminneeqqaarani kapitikkiartortoqassaaq.
Qaqortoq:
Sisamanngorneq 22/7 Nal: 10.30-19.00 18-ileereersut siullermik kapitittussat
Arfininngorneq 24/7 Nal: 13.00-15.00 16-inik 17-inillu ukiullit siullermik kapitittussat.
Ataasinngorneq 26/7 Nal: 10.30-17.00 18-ileereersut siullermik kapitittussat
Marlunngorneq 27/7 Nal: 10.30-17.00 29. juni sioqqulluguluunniit kapitereersut kapiteqqittussat.
Pingasunngorneq 28/7 Nal: 10.30-17.00 30. juni sioqqulluguluunniit kapitereersut kapiteqqittussat.
Sisamanngorneq 29/7 Nal: 10.30-17.00 Juulip aallaqqaataani sioqqulluguluunniit siullermik kapitillut kapiteqqittussat.