Kalaallit Nunaata kujataani kingornutassiaqarfimmit KUJATAA-nit nutaarsiassat
2017-imi juulip qaammataani KUJATAA nunarsuarmiunut kingornutassiaqarfinngorpoq. Kingornutassiaqarfik piffissani assigiinngitsuni marlunni nunaateqarnermut tunngassuteqarpoq: qallunaatsiaat nunaateqarnerat aamma nunaateqarneq nutaaliaasoq. Kulturit taakku marluk Issittumut asseqanngitsumik tulluarsarnerat nunaateqarnikkut nuna inuit suliaannit sunnigaq asseqanngitsoq pilersissimavaat, ukiorlu 982-imiit 1400-kkut qeqqata tungaanut piffissamilu nutaajunerusumi 1700-kkut naalerneranniit ullumimut uumasuuteqarneq ineriartortissimallugu.
Nunarsuarmiunut kingornutassiaqarfinngortitsereernerup kingorna nunaminertat taakku tallimat tikikkuminarsarniarlugit suliniutit ingerlanneqarsimapput, kiisalu nunaateqarneq pillugu paasissutissanik katersisoqarsimalluni qitiusumillu paasissutissiisarfiit pilersinneqarsimallutik, taamaalillutik takornariat nunaminertat pillugit paasissutissat itisilersinnaaniassammatigik.
Qassiarsummi Igalikumilu kingornutassaqarfinnut nassuiaasartut marluk atorfinitsinneqarsimapput, taakkulu kingornutassiaqarfiit oqaluttuassartaat pissangartut annertuullu oqaluttuarinissaannik ilinniagaqarsimapput.
Amerikamiut misissuisarfiata World Ocean Observatoryp aamma KUJATAA-ta, Visual Solutions Lab peqatigalugu ukiup aappaa avillugu ingerlareersoq paasissutissat, assit nunallu assingi APP-imut ikkussorsimavaat. Piffissap ingerlanerani Nunatta Katersugaasiviata paasissutissat tutsuiginartuunissaat qulakkeeqataaffigisimavaa.
Taamaalilluni nunaminertani pingaarutilinni tallimaasuni paasissutissat kiisalu nunatta kujataani nunaateqarneq pillugu tunngaviusumik paasissutissat maannakkut iphone-imut Ipadimulluunniit aaneqarsinnaanngorput.
Inernerivaa nunaminertani angalaarninni paasissutissanik katersuiveeraq oqarasuaammi nassartakkamiittoq kaasarsimmiorisinnaanngorakku.
Aasaru kingornutassiaqarfimmi takussaagut!
Suleqatigisartakkavut ugguuna iserfigineqarsinnaapput:
http://worldoceanobservatory.org/