Ulluni makkunani COVID-19-ip tuniluunnerata annikinnerpaaffianiitinniarnerani, innuttaasut, maani najugallit tikeraallu, maleruaqqusanik naammagittarlutik malinnissimanerannut qujaffigerusuppakka.
Nunatsinni Nakorsaaneqarfik suleqatigalugu Qaqortumi misissuisarfimmik ammaanikuuvugut, misissortinnissamut periarfissaq atorluarneqarmat tuppalliutigeqaara, periarfissaq manna atorluarneqarmat misissortissimasunut qujarusuppunga. Neriuppunga suli amerlasuut ulluni tulliuttuni misissortikkiartorumaartut.
Pisortat maleruaqqusaat malillugit suli ataatsimoorfigisatsinnik mianersortariaqarpugut, sulimi tunillaassuuttoqaqqilersinnaavoq.
Illoqarfiit, nunaqarfiit savaateqarfiillu akornanni pisariaqanngitsumik angallannerup pinaveersaarneqarnissaa kaammattuutigaara. Soorunami niiverniarnerit allallu pisariallit pissapput. Kalaaliusugut aasakkut asimiittarneq amerlasuusugut pinngitsoorsinnaanngilarput, taamaammat asimut angalaneq killilersorneqassanngilaq pisortalli maleruaqqusaat matumani eqqaamaneqassapput.
Kommune Kujallermi utoqqaat illuini pulaaqqusaannginneq suli atuukkallassaaq, inunnik isumaginninnermik sullissineq sapinngisamik oqarasuaatikkut ingerlanneqarallassapput. Ajornanngippallu kommunimut saaffiginninnerit oqarasuaatikkut aamma ingerlanissaat kaammattuutigaarput.
Akiuussutissamik kapuuineq suli ingerlavoq, nuannaarutigingaarpara Kommune Kujallermi innuttaasut 3677-it siullermeertumik kapitissimammata, aappassaanillu kapitissimasut 2333-ullutik.
Nualluutip tuniluuttup atupilunnginnissaannut napparsimmaveqarfinni, pisortani politiinilu sulisut sulinerulinnginnissaannut qulakkeerinneqataasumik, innuttaasut suli amerlanerusut akiuussuserneqarnissaat aammaarlunga kajumissaaRUtigeqqippara.
Apeqqutaanerpaanngilaq tunillatsissimasut sumiinneri, pingaarnerpaavorli illoqarfimmiikkaanni nunaqarfimmiikkaani savaateqarfimmiikkaanniluunniit mianersornissaq, inunnullu attuuteqattaannginnissaq.
Tamatta mianersorisa, tamatta paaraluta akisussaaffimmik tiguseqataasa.
Stine Egede, borgmesteri
Asasakka Kommune Kujallermi innuttaasut !
Udgivet d. 19. juli 2021