Sulisartut Højskolianni ilinniartut nammineq kajumissutsiminnik suliaqarlutik meeqqat ulluanni Qaqortup Timersortarfiata silataani meerarpassuarnut nuannisartitsipput.
Aaqqissuussaq tamanna Atuarfeqarmut, Meeqqeriveqarnermut Nutaaliornermullu Ataatsimiititaliap siulittaasuata qujamasuutigalugu nuannaarutigaa.
-Kommunitsinni nammineq kajumissutsiminnik suliaqartartut suliamikkut innuttaasunut annertoorujussuarmik tunniussaqartarput. Tamanna aamma ilissi nammineq kajumissutsissinnik suliaqarnissinni meeqqat ilaqutariipparujussuillu nuannisarnissaannik tunisineruvoq, ilissi inuillu misigisaqartinneqartut puiunaatsumik misigiffigisaat, Bibi Kielsen Sulisartut Højskolianni ilinniartunik ataatsimooqateqarnermini ilaatigut taama oqarpoq.
Meeqqat ulluanni aaqqissuussami meerarpassuit assigiinngitsunik sammisassaqartinneqarput. Pississaarfiit meeqqanit nuannisarfioqalutik pississaarfiupput, meeqqat kiinnamikkut qalipanneqarnissamut, fiskedamernissamut, tombolarnissamut, assigiinngitsunillu nerineqarsinnaasunik pisinissamut periarfissalimmi nuannisartinneqarput.
-Suliarsi nuannaarutigeqaara, qujamasuppungalu suliarsi kusanartoq pillugu sumiiffissinni aggerfigisassinnut angerlakaannginnissinni qujassuteqarfigisinnaagassi. Nammineq kajumissutimik suliaqarneq misilittagaqarfigiligarsi qanortoq siunissami ingerlattuarisiuk, tamannami misigisamik nuannersumik inuttut pissarsiffiusarpoq, Bibi Kielsen oqarpoq.
Sulisartut Højskolianni ilinniartut nammineq kajumissutsiminnik suliaannut NunaFonden pingaarnertut aningaasaliisuuvoq, GrønlandskBanken, Permagreen, Lions Club Qaqortoq kiisalu Kommune Kujalleq tunissuteqartuullutik.