Kommune Kujallermi Kommunalbestyrelsip sinniisussai Inuit Ataqatigiinneersut marluk, Mouritz Karlsen aamma Marius Nielsen tamarmik 53-inik taaguunneqarput. Makitsinermilu makinneqarpoq Mouritz Karlsen.
Nunaqarfinni Aqutsisut qinersinermi siumumeersut Kristine Poulsen aamma Gerda Poulsen tamarmik qulinik taaguunneqarlutik qinerneqarput.
Ulloq apriilip 13-at 2021 Gerda Poulsen kommunemut nalunaarpoq tunuarniarluni, taamaasilluni Kristine Poulsen Nunaqarfinni Aqutsisunut iserpoq.
Nanortalimmi Ilagiit Sinniisaannut sassartut Thora Andreassen aamma Jensine Enoksen, qinersinermi tamarmik qulinik taaguunneqarput. Makitsinermilu makitaavoq Thora Andreassen.
Sinniisussanik ilaasortassamillu makitsineq
Kommune Kujallermi ulloq apriilip arfernani Kommunalbestyrelsimut, Nunaqarfinni Aqutsisunut aamma Ilagiit Sinniisaannut qinersinermi amerlaqatigiimmik taaguunneqarlutik qinersisoqarneri tunngavigalugit makitsisoqarpoq.
Udgivet d. 14. april 2021