Kommuni tamaat peqataasuni 127-usuni, peqqutit anguniakkallu assigiinngitsuupput, peqqissutsimullu iluaqutaanissaa qularnanngitsumik peqataasut siunertaraat. Unammisitsinermi ajugaasoq ulluinnarni nereriaatsiminik allannguingaatsiarsimavoq, aalajangersimallunili anguniakkani aallullugu.
-Nerisakka allanngorterujussuarpakka, tamannali aallaqqaammut assoroornarpoq, sungiukkiartugassaavorli, aalajangersimaneralu atuinnarpara. Seeqqora annersinnikuugakku timinnik aalatitsivallaanngilanga, illup ilualerisarnera eqqaanngikkaani, taama oqarpoq sanigorsertitsinermi ajugaasoq Eleonora Paviassen.
Timi peqqissoq, aamma inuiaqatigiit timiminnik aalatitsinerunissaat Kommune Kujalliup anguniagaasa ilagaat. Timimik aalatitsinerunissaq siunertaralugu unammisitsinermi ajugaasoq savaateqarfimminngaaneersuuvoq, Immikkoortortaqarfimmilu pisortap ajugaasup angusaa nuannaarutigaa.
-Inuk piumassuseqarnerminik takutitsivoq, aamma tassuuna takutippaa inuk nammineq iliuuseqarsinnaasoq periarfissai killeqaraluartut inuttut imminut unamminera assut kusanarpoq, taama oqarpoq Pitsaaliuinermi Immikkoortortaqarfimmi pisortaq Helga Nielsen.
Ajugaasut tallimat katillutik 60,9 kg-nik oqilisut akissarsitinneqarput.
-Oqimaasutsiminnik oqilinerpaat 1-iminngaaniit 5-imut pokaleeqqanik diplominillu akissarsitinneqarput, ajugaasorlu paffimmiumik iWatch-imeersumik akissarsitinneqarluni, taama oqarpoq Helga Nielsen.
Sanigorserluni unammisitsinermi immikkut maligassiuisunik aamma nersornaasiisoqarpoq, taakku peqataalluartarnermikkut maligassiuinermikkut, kaammattuisarnermikkut immikkulluunniit nammineq suliniartarnermikkut tunngaveqarlutik taaneqarput.
|
Sanigorsartitsinermi ajugaasut tallimat:
|