- Erseqqissutigissavara oqaaseq ”Naqitsittarneq” atorneqarneq ajormat, oqaaserli ”Nalunaarsortittarneq” atorneqartarmat, taamammat nalunaarsortittarneq Majoriaq pillugu inatsit mailillugu ingerlanneqartarluni, taamaasillunilu naqitsiinnartoqarneq ajormat, Inuussutissarsiornermut suliffeqarnermullu pisortaq Palle Fredeiksen erseqqissaavoq.
Paasissutissaq:
Inatsisartut inatsisaat nr. 28 ulloq 9. december 2015 suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit § 2, stk. 6-imiit 9-mut ima aalajangersagaqarpoq.
Suliffissanut, ilitsersuisarnernut pikkorissaqqinnernullu (Majoriap) qitiusumik ingerlatsiviit suliassaraat:
6) Suliffissaqarnikkut siunnersuinermik suliffissarsiortunut neqerooruteqartassallutik, inunnullu ataasiakkaanut iliuusissatut pilersaarusiortassallutik, suliffissaaleqisut pineqartut suleqatigalugit, suliffeqalivinnissamik siunertaqartumik.
7) Suliffissaaleqisut pikkorissarneqarnerannut atatillugu inuussutissarsiutinut pikkorissartitsinernik innersuussisassallutik. Suliffissanut, ilitsersuisarnernut pikkorissartitsinernullu qitiusumik ingerlatsiviit ilinniagaqalernissamut imaluunniit suliffeqalernissamut piareersaataasunik pikkorissartitsinernik ingerlatsisinnaapput.
8) Innuttaasunik suliffeqanngitsunik tulluarsaqatigiiaanut immikkoortitserisassallutik.
9) Suliffissaaleqisut suliffissarsiuussisarnermi nittartakkamut paasissutissanillu nalunaarsuiffinnut allanut naleqquttunut nalunaarsortassallugit.