Kommune Kujallermi nunaqarfinni aqqaniliusini nunaqarfinnut aqutsisoqarfiit katillutik sisamaapput,
nunaqarfinnilu aqutsisut sisamaasut immikkut sinniisussanik inissisimasoqartarpoq. Nunaqarfinni aqutsisut suliassaraat nunaqarfiit politikkikkut allaffissornikkullu suliassat, pisortat nunaqarfimmi anguniagassatut aalajangiussaat qulakkeernissaat, ulluinnarnilu nunaqarfinnut tunngasut suliassat tamalaat suliarissallugit.
Kommune Kujallermi Nunaqarfinni aqutsisut nunaqarfiit akisussaaffigisaat ima inissisimapput:
Aappilattoq, Narsarmijit aamma Tasiusaq.
Eqalugaarsuit, Saarloq aamma Qassimiut.
Ammassivik aamma Alluitsup Paa.
Qassiarsuk, Igaliku aamma Narsarsuaq.
Qinigassanngortinniaraanni
Nunaqarfimmi aqutsisutut qinigassanngortinniaruit pingaaruteqarpoq piffissaatillugu allatsinnissat, partiinut ilaasortaaffeqaruit partiip isumaqatiginissaa, nunaqarfinni sumiiffigisanni kommunip allaffianukarlutit sassarnerit pillugu allatsikkiartorlutit.
Nunaqarfinni aqutsisutut sassarniaraanni 18-ileereersimanissaq pinerlussimannginnermullu uppernarsaammik peqarnissaq piumasaqaataapput, qinigassanngortinniaraannilu kingusinnerpaammik marlunngorneq marsip 23-at 2021 nalunaarfissaavoq.
Qinigaaffik kingulleq
Qinigaaffimmi 2017-imiit 2021 tikillugu nunaqarfinni aqutsisut siulittaasui sisamat ukuupput:
Aappilattoq, Narsarmijit aamma Tasiusaq: Angajo Manassen
Eqalugaarsuit, Saarloq aamma Qassimiut: Lars Boassen
Ammassivik aamma Alluitsup Paa: Henriette Josefsen
Qassiarsuk, Igaliku aamma Narsarsuaq: Mouritz Karlsen