Atorfiit, suliat anguniakkallu pillugit Kommune Kujallermi ingerlatsiviit marluk nunaqarfinnut sisamaasunut ornigunniarnerminni sila peqqutaalluni nunaqarfiit ilaat tikinneqanngitsoorpaat. Narsarmijilli tikinneqarpoq, silarlulermalli Aappilattoq, Tasiusaq, Ammassivik aamma Alluitsup Paa tikinniarneri ajornakusoormat tikinneqarnissaat kingusinnerusumut kinguartippoq.
-Sila peqqutaalluni upernaamut nunaqarfiit ilaasa tikinnissaat kinguartipparput. Narsarmijini AMN Ingerlatsivitsimmi sulerinersugut, atorfiit akisussaaffiillu suunersut, suliarisagut anguniakkagullu pillugit saqqummiivugut, taama oqarpoq Atuarfeqarnermut, Meeqqeriveqarnermut Nutaaliornermullu Ingerlatsivimmi pisortaagallartoq Ruth Jakobsen.
Nunaqarfiit ilaat tikinneqanngitsooraluartut Narsarmijini periarfissanik assigiinngitsunik suliniarnerit aallartittut Kulturimut, Sunngiffimmut Pitsaaliuinermullu Ingerlatsivimmi pisortap oqaatigaa.
-Illu Sullissiviup sanaluttarfittut atorneqarsinnaannissaa periarfissarsiunneqassaaq, katersortarfiullu nipilersornikkut atorluarneqarnissaa atortullu pilerinarsarnissaat sulissutigissavarput, taama oqarpoq Kulturimut Sunngiffimmut Pitsaaliuinermullu Ingerlatsivimmi pisortaq Mikael Mansi Rasmussen.
Narsarmijini innuttaasut susassaqartinnerujumallugit suliniutit allat aamma piukkunnarsarneqartut oqaatigineqarpoq, soorlu nunaqarfimmi peqatigiiffiit marluk,
tassaassut Inuusuttut Peqatigiit aamma Narsarmijini Erinarsoqatigiit, allallu kajumissutsimik suliaqarusuttut kommune suleqatigalugu periarfissaasa annertusarnissaat siunertaralugu qanimut attaveqatigiinnerulissapput.
Ingerlatsiviit nunaqarfinnut paasititsiniaasut
Atuarfeqarnermut, Meeqqeriveqarnermut Nutaaliornermullu ingerlatsivik aamma Kulturimut, Sunngiffimmut Pitsaaliuinermullu Ingerlatsivik Nanortallip nunaqarfiini ingerlatsiviit pillugit saqqummiipput.
Udgivet d. 30. marts 2021