Kommune Kujallermi pisortaqatigiit qulingiluaasut akornanni ingerlatsivimmiit ingerlatsivinnut suleqatigiinneq nukittorsaqqinniarlugu siorna novembarimi pikkorissarnerit ingerlanneqarput. Pikkorissarneq suliffeqarfik VisioBox Consultingimit aaqqissunneqartoq pisortaqatigiinnit pissarsiffiulluarpoq.
-Pikkorissarneq siorna aallartitarput ingerlatsivinniit ingerlatsivimmut attaveqaqatigiinnermik suleqatigiinnermillu periutsinik nukittorsaqqiinermik siunertaqartoq pisussaaffinnik suliassanillu nassataqarpoq, pisortaqatigiillu akornanni pissarsiffiulluni iluarisimaarneqarluarpoq, Kommune Kujallermi pisortaanerugallartoq Dorthe Bidstrup nassuiaavoq.
Pisortaqatigiit novembarimi pikkorissarnerat malitseqartillugu attaveqaqatigiinnerunissaq suleqatigiinnerullu nukittorsarnissaa siunnerfiupput.
-Kommunimi ingerlativiit pisortaasa ataatsimoorussamik kommunimi attaveqaqatigiinnerunissaq suleqatigiinnerullu nukittorsarnissaa aallunniarlugu aalajangiuppaat, tamannalu piffissami aggersumi suliaralugu aallartinneqassaaq, Dorthe Bidstrup naggasiivoq.
Attaveqaqatigiinneq suleqatigiinnerullu nukittorsarnissaa pillugu pisortaqatigiit suliaqartussanngorput
Kommune Kujallermi pisortaqatigiit akornanni ulluinnarni sulinermi ingerlatsineq pillugu ataatsimiinnerit ingerlanneqartarput, piffissamili aggersumi ataatsimiinnerit allatut suliffiussapput.
Udgivet d. 31. marts 2021