Ileqqoreqqusat Kommune Kujallermi innuttaasut suliffeqarfiillu eqqagalerinermi pisinnaatitaaffii pisussaaffiilu pillugit imaqarpoq.
Allannguutit malunnaateqarnerit Angerlarsimaffinni eqqagassat pillugit ileqqoreqqusani, makku erseqqissarneqarsinnaapput:
- Oqaasertai immikkoortortakkaarunnaarlugit §-ilersorneqarput.
- Ileqqoreqqusat tamanut atuuttunut immikkullu ittunut avissimanerat peerneqarpoq.
- Oqaasertaasa sinaat saamimmut illuartinneqarput quppernerit tamarmik imartunerusussanngorlugit.
- Oqaasertaliussat pisariaqanngitsut, soorlu ulluinnarni eqqagassanut assingusunut aaqqissuussinerit pillugit uteqqiinerit, peerneqarput, taamaalilluni taakkununnga malittarisassat ataasiaannarlutik nassuiarneqarlutik.
- Eqqagassalerinerit pisariaqanngitsut ileqqoreqqusanit peerneqarput, soorlu:
- Aasarsiortarfinni, illuaqqani allanilu eqqagassalerinerit eqqagassalerinermut nalinginnaasumut ilanngunneqarput.
- Piniakkat sinnikui uumasullu toqungasut, ikumasinnaasut matuugassalluunniit ataaniilerput
- Saviminikut, eqqakkat taakku eqqakkatut angisuutut imaluunniit Eqqakkanik / atoqqitassanik tigooraavik atorlugu iginneqartalissallutik.
- Eqqakkat avatangiisinut ulorianartut pillugit immikkoortumi eqqakkanut avatangiisinut ilitsiviit atorlugit katersisarneq nassuiarneqarpoq.
- Kommunip eqqagassanik / atoqqitassanik tigooriaavia pillugu nutaamik immikkoortortaliortoqassaaq.
Allannguutit malunnaateqarnerusut eqqarsaatigalugit, Inuussutissarsiortut eqqagassaataannut ileqqoreqqusani, makku erseqqissarneqarsinnaapput:
- Oqaasertai immikkoortortakkaarunnaarlugit §-ilersorneqarput.
- Ileqqoreqqusattamanut atuuttunut immikkullu ittunut avissimanerat peerneqarpoq.
- Oqaasertaasa sinaat saamimmut illuartinneqarput quppernerit tamarmik imartunerusussanngorlugit.
- Oqaasertaliussat pisariaqanngitsut, soorlu ulluinnarni eqqagassanut assingusunut aaqqissuussinerit pillugit uteqqiinerit, peerneqarput, taamaalilluni taakkununnga malittarisassat ataasiaannarlutik nassuiarneqarlutik.
- Eqqagassalerinerit pisariaqanngitsut ileqqoreqqusanit peerneqarput, soorlu:
- Piniakkat sinnikui uumasullu toqungasut, taakku ikuallanneqarsinnaasutut imaluunniit matuugassatut taaneqalissapput.
- Kommunip eqqagassanik / atoqqitassanik tigooriaavia pillugu nutaamik immikkoortortaliortoqassaaq.
Angerlarsimaffinnit aamma inuussutissarsiortunit eqqakkat pillugit ileqqoreqqusanut siunnersuummik tusarniaaneq sapaatit akunnerini sisamani, marts-ip 17-ianiit april-ip 14-ianut 2021 ingerlanneqassaaq. Piffissaq tusarniaaffiusussaq qaangiuppat oqaaseqaatit nassiunneqartut, Kommunalbestyrelsip ileqqoreq-qusat pillugit ilusilersuinissamut eqqarsaatersorneranut ilanngunneqassapput. Tamatuma kinguneratigut angerlarsimaffinnit aamma inuussutissarsiortunit eqqakkat pillugit ileqqoreqqusat aalajangikkat kommunip nittartagaatigut saqqummiunneqassapput.
Matuma kingulianiittut linkit toorlugit siunnersuutit Angerlarsimaffinnit eqqakkat pillugit ileqqoreqqusat 2021, aamma siunnersuutit Inuussutissarsiortunit eqqakkat pillugit ileqqoreqqusat 2021 nuissapput.
Angerlarsimaffinnit eqqakkat pillugit ileqqoreqqusat 2021 – Una tooruk.
Inuussutissarsiortunit eqqakkat pillugit ileqqoreqqusat 2021 – Una tooruk.
Tusarniaanermut akissuteqaat piaarnerpaamik tunniunneqassaaq, kingusinnerpaamillu april-ip 14-ianni 2021-imi.
Kommune Kujalliup akissuteqarnissamut killeritinneqartup qaangiutinnginnerani akissuteqaammik tigusa-qanngikkuni, ilimagissavaa nassiunneqartunut oqaaseqaateqartoqarnavianngitsoq.
Kommunimi ileqqoreqqusat Kommunalbestyrelsimit akuersissutigineqassapput.
Saqqummiunneqarfia:
17. martsi 2021
Tusarniaanermut piffissarititaq:
14. aprili 2021
Tusarniaanermut akissuteqaatit uunga nassiunneqassapput
teknik@kujalleq.gl