Kommunimi qinersineq 2021

Kommunimi qinersineq 2021

Marlunngorneq apriilip arfernanni 2021 nalunaaqqutaq 09:00-imiit 20:00-mut kommunalbestyrelsimut, nunaqarfinni aqutsisunut kiisalu ilagiit sinniisaannut qinersisoqassaaq.

Ilaasortat amerlassusii
Kommunalbestyrelsimut qinigaasussat amerlassusii:

• Kommune Kujallermi kommunalbestyrelsimut ilaasortat 15-it qinerneqassapput.

Nunaqarfinni aqutsisunut qinigaasussat amerlassusii:

• Aappilattoq, Narsarmijit kiisalu Tasiusaq ataatsimut nunaqarfimmi aqutsisussaminnik pingasunik ilaasortalimmik qinersissapput
• Eqalugaarsuit, Saarloq aamma Qassimiut ataatsimut nunaqarfimmi aqutsisussaminnik pingasunik ilaasortalimmik qinersissapput
• Ammassivik kiisalu Alluitsup Paa ataatsimut nunaqarfimmi aqutsisussaminnik pingasunik ilaasortalimmik qinersissapput
• Qassiarsuk, Igaliku kiisalu Narsarsuaq ataatsimut nunaqarfimmi aqutsisussaminnik pingasunik ilaasortalimmik qinersissapput

Qinigassanngortittut allattorsimaffianni qinigassanngortitsisussat amerlassusissaat:
Kommunalbestyrelsimut qinigassanngortittunut, partiit avataanni aamma kattusseqatigiit:

§ 17, imm. 1 naapertorlugu partiit qinigassanngortitsisinnaasut avataasigut qinigassanngortittut nalunaarutigineqarnerat qinersivimmi qinersisartunit qinigassanngortitsisunit ikinnerpaamik qulinit atsiorneqarsimassaaq. Atsiornerit nalunaarummi namminermi taassumaluunniit assilinerani takuneqarsinnaassapput.

Nunaqarfimmi aqutsisunut qinersineq:
§ 65 naapertorlugu. Qinigassanngortitanik nalunaarutit nunaqarfimmi taaguinermik siulersuisumut tunniunneqareersimassapput kingusinnerpaamik qinersinissaq ullunik 14-inik sioqqullugu nal 12.00.
Imm. 2 Qinigassanngortitanik nalunaarutit il.il. atatillugu §§ 14 - 21-mi maleruaqqusat aamma malinneqassapput.

Ilagiit sinniisaannut qinersineq:
§ 74, imm. 3 naapertorlugu qinigassanngortittut tamarmik ikinnerpaamik tallimanik qinigassanngortitsisoqassapput. Inuit, ilagiit sinniisaannut qinersisinnaatitaasut taamaallaat qinigassanngortitsisinnaapput.

Inatsit atuuttoq tassaavoq Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. 27, 28. november 2016-imeersoq.

Qinigassanngortittut allassimaffiinik tunniussinissamut piffissaliussaq

Kommunalbestyrelsimut qinigassanngortittunut:
Kommunalbestyrelsimi qinigassanngortilluni nalunaarneq pissaaq qinersisartunik nalunaarsuiffissatut allaffissiap immersorneratigut. Nalunaarut kingusinnerpaamik februaarip 23-anni 2021, nal. 12:00 qinersinermut siulersuisunut tunniunneqassaaq.

Kommunalbestyrelsimut qinersinermi qinigassanngortinnermut immersugassaq aajuk 
"Kommunalbestyrelsimut qinersinermut QINIGASSANNGORTITTUNIK NALUNAARFISSAQ (1)"

Kommunalbestyrelsimut qinersinermi partiit qinigassanngortitaannut immersugassaq aajuk
"Kommunalbestyrelsimut qinersinermut PARTIIT QINIGASSANNGORTITAANNIK NALUNAARFISSAQ (2)"

Nunaqarfinnik aqutsisunut qinigassanngortittut:
Qinigassanngortittunik nalunaarut nunaqarfimmi taaguinermi siulersuisumut kingusinnerpaamik marsip 23-anni 2021 nal. 12.00 tunniunneqassaaq, nalunaarutiginninnermullu immersugassaq atorlugu tunniunneqassalluni.

• Nunaqarfinni aqutsisunut qinigassanngortinnermi immersugassaq (3).
• Nunaqarfinni aqutsisunut partiit qinigassanngortitaannut immersugassaq aajuk (4).

Ilagiit sinniisaannut qinigassanngortittunut:
Ilagiit sinniissaannut qinigassanngortilluni nalunaarneq pissaaq nalunaarsuiffissatut allaffissiap immersorneratigut. Nalunaarut taaguinermi siulersuisumut kingusinnerpaamik marsip qulingiluaanni 2021, nal. 12:00 tunniunneqarsimassaaq.

• Nunaqarfinni aqutsisunut qinigassanngortinnermi immersugassiaq aajuk (5).

Ulloq qinersivik qinersiviillu

Ullup qinersivissap aalajangiunneqarnera:
Kommunalbestyrelsimut, Nunaqarfinni aqutsisunut aamma ilagiit sinniisaannut qinersineq pissaaq apriilip arfernanni 2021, piffissami nal. 9:00-imiit 20:00-imut.

Qinersivik:

Kikkut qinersisinnaatitaappat?

Kinaluunniit matuma kinguliani taaneqartunik naammassinnittoq qinersisinnaatitaavoq:

Kinaluunniit ullormi qinersiffiusumi 18-inik ukioqalersimasoq.

• Qinersinissaq sioqqullugu sapaatit akunnerini arfinilinni Kommune Kujallermi aalajangersimasumik najugaqarsimasoq.
• Danskisut innuttaassuseqartoq.
• Qinersineq sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugarsimasoq, imaluunniit sivikinnerpaamik ukiuni pingasuni naalagaaffimmi najugaqarsimasoq qinersinissarlu sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq.

Qinersisinnaanermik atatitsiinnarnissamut qinnuteqarnissamut periarfissaqarputit, matuma kinguliani piumasaqaatigineqartut naammassigukkit:

• Ilinniagaqarlutit Kalaallit Nunaata avataaniikkuit.
• Peqqissusermut tunngasumik pissuteqarlutit Kalaallit Nunaata avataaniikkuit.
• Kalaallit Nunaanni qinigaallutit folketingimi ilaasortaanerit peqqutaalluni Danmarkimiikkuit.
• Namminersorlutik Oqartussanut sinniisuullutit Kalaallit Nunaata avataaniikkuit.
• Kalaallit Nunaata avataaniinnerit siuliani taaneqartunut sanilliunneqarsinnaasunik peqquteqarpat.

Qinersisinnaanerup pigiinnarnissaanik qinnuteqarit una immersorlugu (6), uungalu nassiullugu Kommune@kujalleq.gl