-Josip tunuarniuteqarnera kommunitsinni innuttaasunut aamma Siumumi gruppitsinnut uggornartuuvoq. Josimi tunniusimanermini sullarissuuvoq misilittagaqarluarlunilu, taamaattumik tunuarnerani annaasaq annertuvoq. Nammineerlunili tunuarniuteqarnera ataqqivara, qutsavigingaarlugulu ukiuni kingullerni qinikkatut suleqatigilluarsimanitsinnut; Josip tunuarnerani Anasse Kleist Karolussen tikilluaqqullugu suleqatigiilluarnissatsinnik suleqataalluarnissaanillu neriuuteqarfigaara, borgmester Kiista P. Isaksen oqarpoq.
Josef Petersen (S) uani qinigaaffimmi 86-inik qinersisoqarluni kommunimi ilaasortaasimasup tunuarnerani Anasse Kleist Karolussen pingasunngornermi novembarip 25-anni ilaasortanngortinneqarpoq.
Kommune Kujallermi kommunalbestyrelsimi ilaasortaq Josef Petersen (S) ilaasortaanerminit tunuarpoq
Josef Petersenip Kommune Kujallermi Teknikkeqarnermut Avatangiisinullu Ataatsimiititaliami siulittaasup aamma Aningaasaqarnermut Ataatsimiititaliami ilaasortap tunuarniuteqarnerani Siumuni sinniisussaq siulleq Anasse Kleist Karolussen ilaasortanngortinneqarpoq.
Udgivet d. 25. november 2020