Savalimmiuni kommunimut qinersinermut atatillugu qinersisartut savalimmiormiut utaqqiisaannaagallartumik nunatsinniittut kisianni Savalimmiuni aalajangersimasumik najugaqartut novembarip 10-anni Savalimmiuni kommunimut qinersisissami allakkatigut qinersinissamut periarfissaqarput.
Qinersisartut savalimmiormiut Kommune Kujalliup innuttaasunut Sullissiviini allakkatigut qinersisinnaapput.
Qaqugu kingusinnerpaamik allakkatigut qinersisoqarsinnaava?
Kommunimut qinersinissaq ullumik ataatsimik sioqqullugu allakkatigut qinersisoqarsinnaavoq. Taamaattorli novembarip 10-anni 2020-mi ullumi qinersiviusumi taasinerit kisinnginneranni Savalimmiuni sumiiffinni ataasiakkaani qinersinermut ataatsimiititaliat kisitsinissaat sioqqullugu allakkatigut taasineq apuutereersimassaaq. Allakkatigut qinersineq nalinginnaasumik allakkerisarfikkut nassiunneqassaaq.