Ataasinngornermi aggustip qulinganni Qaqortumi kommunip allaffiani atortorissaarutit atorlugit Narsamiit Nanortalimmiillu peqataaffigineqartumik Kommune Kujalleq aamma Air Greenland siunissamut pilersaarutiminnik, kujataanilu angallanneq pillugu ataatsimeeqatigiipput. Naapeqatigiinneq tamanna Kommune Kujallermi borgmesterip nuannaarutigaa.
-Ukiuni arlaqalersuni kujataani aamma kujataaniit kujataanullu angalaniarneq kipiluttunartumik ingerlasartoq misigisaqarfigiuartarparput, taamaammat nuannaarutigaara naapeqatigiinnermi ullumikkut angalaniarnermi unammillernartut pillugit Air Greenlandip pisortaaneranut saqqummiussisinnaanerput.
Siunissami kujataani angalaniarneq eqqarsaatigalugu pilersaaruteqarnerat tusaallugu aamma isumalluarnarpoq. Kujataami takornariaqarneq eqqarsaatigalugu takusassanik soqutiginartunik ulikkaarpoq, taamaammat angallannermi pissutsit pitsaanerusut siunissami aggersumi pisariaqartippagut, borgmester Kiista P. Isaksen oqarpoq.
Assimi takuneqarsinnaapput Air Greenlandip pisortaanera Jacob Nitter Sørensen aamma Kommune Kujallermi borgmesteri Kiista P. Isaksen.