Kommune Kujalleq eqqagassalerineq pillugu pilersaarusiorpoq. Eqqagassalerinermut pilersaarut piffissami 2020-miit 2031-mut atuutissaaq, matumanilu atorluaanerulernissaq, pitsaanerusumik atueqqissinnaaneq eqqakkanillu pitsaanerusumik immikkoortitserinermi periarfissaqarnissaq aallunneqassallutik.
Eqqagassalerinermut pilersaarutip imarisai tassaapput pingaarnertut takorluukkat, anguniakkat kiisalu suliniutit aalajangersimasut, taakkulu piffissami pilersaarusiorfiusup ingerlanerani allartisarneqassapput.
2020-miit 2031-p tungaanut eqqagassalerimut pilersaarummi aalajangerneqarpoq anguniakkat makku aallaavigalugit suliniutigineqassasoq:
- Innuttaasunut suliffeqarfinnullu qaammarsaaneq annerusoq
- Eqqagassaqartitsinaveersaarneq, eqqakkat pilerfiini annerusumik immikkoortiterineq aamma atoqqiineq
- Ikuallaanerit pinngortitamut ajunngitsut ineriartortinneqassasut
- Igitassanik tigooqqaaviit igitassanik suliaqarfiusartut
- Pilersaarusiornermik, allaffissornermik kiisalu ingerlatsinermik pitsanngorsaaneq
Piffissap pilersaarusiorfiusup ingerlanerani inuit namminerisamik pissarsianik atuinerannut, inuussutissarsiortunut kiisalu kommunip inunnik sullissiviinut allanullu suliniutit arlallit allartisarneqassapput.
Tamatuma saniatigut anguniagassatut iliuusissatullu pilersaarusiaq najoqqutaralugu Eqqagassalerinermut Pilersaarummi suliniutit assigiinngitsut qaqugu piviusunngortinneqarnissaat naatsorsuutigineqarsinnaanersoq takuneqarsinnaavoq.