Paasitinneqarnerput malillugu tunillatsisimasoq mattusimatinneqarluni nakkutigineqarpoq, angallamilu ilaasut allat misissueqqinnerit ingerlanneqarneranni angallammiiginnarnissaannik piumaffigineqarsimasut.
Ilisimasassarsiotut angallataanni ilaasut pineqartullu attaveqarfigisimasaat pillugit politiit peqqinnissaqarfillu suleqatigiillutik misissuinerit ingerlatileruttorpaat.
Taamaattumik kaammattuutigigerusunnarpoq tunillatsisimasinnaanermik ersiuteqartoqarsimappat peqqinnissaqarfimmut saaffiginnittoqarnissaa.
Aasaq manna nunatta kujataa angallaffiusorujussuuvoq, taamaattumik maanna immitsinnut paaraluta akisussaaffimmik tiguseqataalluta suleqatigeeqqinnissatsinnut piffissanngoqqippoq.
Utoqqartagummi sanngiinnerusortagullu eqqarsaatigalugit immitsinnut paarisariaqarpugut, taamaattumik maleruaqquneqartut eqqiluisaarnissamut tunngasut malinneqarluarnissaat kaammattuutigeqqikkusuppara.
Assagut errortukulaassavagut, quersorniarutta talitsinnut quersortassaagut, sumut tamaannga qitserartortoqassanngilaq, napparsimagutta angerlarsimaannassaagut, assamilluni ilassinninneq atornaveersaassavarput, inuillu amerlasuut akornaniinnaveersaarluta.
Piffissami kingullermi sivisuumi kommunit tamattaalluta Covid-19 pillugu upalungaarsimaniarnermik suliaqartut allat peqatigalugit oqaloqatigiinnerpassuit ingerlattarsimavagut, matumani sumiiffinni assigiinngitsuni Covid-19-imik tunillatsittoqassagaluarpat upalungaarsimaniarneq eqqarsaatigalugu piareersaateqarluta.
Taamaattumik maani Kommuni Kujallermi upalungaarsimaniarneq eqqarsaaatigalugu suliaqartut piareersimapput.
Naalakkersuisoqarfiup nunatsinnilu upalungaarsimanermik suliaqartut nalunaarutaat qanimut malinnaaffigeqqissaarpagut, matumanilu pisoq arlaatigut allaanguutissanik malitseqartinneqassagaluarpat Kommune Kujallermiit paasisuutissiinerit ingerlateqqikkumaarpagut.
Ullut makku atukkagut pillugit aatsaat taama ataatsimoornissarput pingaaruteqartigaaq, taamaammat neriuutigeqaara nunarsuarmi nualluut tuniluuttoq pillugu ulluni makkunani tapersersoqatigiissinnaanissarput.
Ulluni makkunani Covid-19 pillugu ernumassuteqartut paasilluarsinnaavakka, uangami aamma taakkutulli ernumavunga, sapinngisarali tamaat nuallutip siuaruaatinnginnissaanut suleqataarusuppunga.
Periarfissaq manna iluatsillugu peqqussutaasunut paasinnillusi malitsitsisunut, suleqataasunullu tamanut uummatinniit qujarusuppunga, pisariaqartitsilluinnarfimmi ataatsimoorfeqarluni suleqatigiinneq pigigipput takusinnaagakku.
Tamatta paarilluarisa.
Asasakka Kommune Kujallermi innuttaaqatikka
Qaammatini kingullerni marlunni nunatsinni tunillatsittoqanngereersoq ajuusaarnaraluartumik tallimanngormat tusarlerneqarpugut ilisimasassarsiortut angallataat nunatta avataaniit tikittup ilaasuata ilaat ataaseq Covid-19-mik tunillatsisimasoq Nanortalimmi paasineqartoq.
Udgivet d. 03. august 2020