Siusinnerusukkut illu savaateqarfiit eqqaaniittut atuartuutaannut atuartut angerlarsimaffiattut atorneqarsimavoq, maannakkullu attartornermik isumaqatigiissuteqareernikkut attartortumut piseqqaarsinnaatitaanertalimmik tunaartassianngorlugu attartorneqarsinnaanngorpoq. Inuussutissarsiornermut Suliffeqarnermullu Ingerlatsivik isumaqatigiinniarfigineqareerneratigut attartornermi qaammammut akiliutissaq aalajangerneqassaaq.
Attartortoq illup ilumigut silatimigullu iluarsarneqarnissaanut akisussaassaaq, kiisalu attartortoq innaallagissamut imermullu akisussaassalluni, soorluttaaq attartortoq aserfallatsaaliinermi, innaallagissamut, imermut kiassarnermullu ingerlatsinermi aningaasartuutinut tamanut akisussaassasoq. Attartortup siulliulluni pisinissamut neqeroorfigineqarsinnaatitaanini atussaguniuk piginnittut allanngornerannut tunngatillugu nioqquteqarnermi aningaasartuutaajumaartut tamaasa akilissavai.
Kommunimik isumaqatigiinniarnermi qaffasinnerpaamik neqerooruteqartoq aallaaviussaaq, kommunillu neqeroorutaasut tamaasa itigartissallugit pisinnaatitaaffigaa.
Qassiarsummi, Igalikumi aamma Narsarsuarmi nunaqarfinni aqutsisut piginnittussamik toqqaanermi peqataatinneqassapput, peqqutigalugu najukkami suliffeqarfiutilimmut aamma takornarialeriusumut Kommune Kujallermi najugalimmut attartortinneqarnissaa pingaartinneqarmat.
Soqutiginnittunut saaffiginniffissaq tassaavoq kingusinnerpaamik aggustip 31-at 2020 uunga:
Inuussutissarsiornermik Suliffeqarnermillu Ingerlatsivik
Kirkegårdsvej B 5
3920 Qaqortoq
Att.: Inuussutissarsiornermut suliffeqarnermullu pisortaq Palle Frederiksen
E-mail: pafr@kujalleq.gl
Oqarasuaat: 64 75 30
Mobil: 55 33 08
Qassiarsummi atuartut angerlarsimaffitoqaannik piseqqaarsinnaatitaanertalimmik attartornissamut neqerooruteqartitsineq
Qassiarsummi atuartut angerlarsimaffitoqaata B-266-ip piseqqaarsinnaatitaanertalimmik attartornissaanut Kommune Kujalleq neqerooruteqarpoq. Illu 297,7 m²-iuvoq, naqqup ataa aneerasaartarfillu 29 m2-iusoq ilanngunnagit, taannalu Qassiarsummi kuup eqqaani inissisimavoq.
Udgivet d. 28. juli 2020