aaqqissuinerit illoqarfinni tamani kiisalu nunaqarfinni silami sammisassaqartitsinerit nipilersornerillu unitsittariaqarneri aaliangerneqarpoq.
Matumani aamma unnukkut tusarnaartitsinerit inuit 100-t palillugit katersuuteqqusaannginneq peqqutigalugu unitsiinnarneqarput.
Taarsiulluguli allatut aaqqissuussinissamut maanna Kommune Kujallermi kulturilerisut nipilersorusussinnaasunik ujartuipput. Nipilersortussat pisortat suliffeqarfiini assigiinngitsuni soorlu utoqqat illuini, ulloq unnuarlu angerlarsimaffinni, inuusuttuaqqat ornittagaanni assigisaannilu nipilersussapput.
Maanna suliniutigineqarpoq Kujataani nipilersortartut aaliangersimasut immiunneqarnissaat, taamaasilluni inuiattut ullorsiornermi Kommunip facebookikkut quppernerani Seekon radiokkullu immiussat aallakaatinneqarsinnaanngorlugit.
Taamaaliornitsigut katersuuffiunngitsumik ataatsimuaalaarneq anguniarparput.
Kommune Kujallermiit pisoqartitsisaleqqinnissatsinnut qilanaarpugut, ullunili makkunani pisortanit maleruagassat malittariaqaratsigit aalajangerneq imaannaanngikkaluartoq allatut ajornartumik ukioq manna inuiattut ullorsiornerput taamatut inissittariaqarsimavoq.
Ukioq manna inuiattut ullorsiornitsinni ungasianiit ataatsimuualaarneq ingerlatsigu.