Nanortalimmi najukkami ataatsimiititaliami nutaami ilaasortanngortut qinigaanermi kingorna ataasiarlutik naapipput, matumani siulittaasussamik taasinermi Augustinus Augustinussen siulittaasutut qinigaavoq.
-Najukkami ataatsimiititaliamut qinigassanngortinnera nunaqqatinnik sullisserusunnermik aallaveqarpoq, taamaattumik qinigaaqatikkalu Nanortalimmi innuttaaqatitsinnut suliaqarnissarput nuannarunarteqaara, Najukkami ataatsimiititaliami siulittaasunngorlaaq Augustinus Augutsinussen oqarpoq.
Najukkami ataatsimiititaliami ilaasortat ataasiarlutik naapereerneranni nualluut Covid-19-i pillugu mianersoqqusinerit pipput, tamannalu ataatsimiititaliami ilaasortat suli ataatsimoorlutik naapeqqinnginnerannut pissutaavoq.
-Ullumikkut pissutsit taamaatillugit ataatsimoorluta naapinnissarput pilersaarusioruminaappoq, mianersorlutami ullugut atorpagut. Qilanaarpungali naapinnissatta tulliata pisinnaanngornissaanut, suliassattami utaqqiinnarpaatigut, Augustinus Augustinussen naggasiivoq.
Augustinus Augustinussenip qinigaaqatigivai Didda Isaksen siulittasup tulliatut inissittoq, Laurethe Abelsen, Ellen N. Madsen aamma Erik Røde Frederiksen.