Neqi A/S innuttaasunik ataatsimiititsinermik aallarniilluni suliffeqarfiup killiffianik siunissamullu takorluu-gaanik saqqummiivoq, tassanilu Neqi A/S nalunaarpoq suliffissanik ataavartunik amerlanerusunik pilersitsi-nikkut Narsap kivinneqarneranut suliffeqarfik peqataajumasoq.
Tamatumani Neqip siuttui opoqarput "suliffissanik aalaakaasunik pilersitsinissaq suliffeqarfiup kisimi isu-magineq saperpaa, allanilli peqataatitsinissaq pisariaqarluinnarpoq, - soorlu Kommune Kujallermik. Taa-maammat Neqi qilanaarpoq Kommune Kujalliup innuttaasullu sulisussanik aalaakaasunik pissarsiniarnermut ikiuunnissaannut - pingaartumik toqoraanerup nalaani - aammali suliat allat suliffeqarfiup aallartilersaagai eqqarsaatigalugit.
”Nuannaarutigilluinnaqqissaarpara Neqi A/S innuttaasunik ataatsimiititsinerup nalaani suliffissanik ataavar-tunik pilersitsiniarluni sunik pilersaaruteqarnerluni anguniagaqarnerlunilu erseqqilluinnartumik nalunaarmat. Narsarmiut Neqip pilersaarutaanut anguniagaanullu suleqataanerisigut aalaakaasunillu sulisoqarnissamut aki-sussaaqataanerisigut tamanna anguneqarsinnaassasoq qularinngilluinnarpara. Taama akisussaaqataaneq pinngitsoorneqarsinnaanngilluinnarpoq suliffiit aalaakaasut amerlanerusut pilersinniarneqarnerat anguneqar-sinnaassappat" Kommune Kujallermi borgmesterip tullia siulleq kiisalu Inuussutissarsiornermut Suliffeqar-nermullu Ataatsimiititaliami siulittaasoq Simon Simonsen oqarpoq.
Ukiuni kingullerni qulini Narsami inuit ikiliartoraluartut suliffissaaleqineq malunnaqisumik qaffakkiartorsi-mavoq, isumaginninnermut aningaasartuutit amerliartuinnarlutik taamaalillunilu kommunip akileraarutitigut isertittagai ikiliartuinnarlutik. Taamaammat Kommune Kujalliup anguniagaa tassaavoq suliffeqarfiit qanimut suleqatigalugit ataavartumik suliffissaqartitsissalluni ilaatigut sulisunut suliffeqarfinnilu sulisunngortussanut pikkorissartitsisarnikkut.
Innuttaasunik ataatsimiititsinermi Neqi A/S nioqqutissiaminik annerusumik suliareqqiisalernikkut tunisassi-allu assigiinngitsut amerlinerisigut suliffissanik ataavartunik pilersitsiniarluni pilersaarumminik saqqummii-voq, tamannali pisinnaassappat Narsami sulisussat aalaakaasut pigineqartariaqarput.
Innuttaasunik ataatsimiititsineq sioqqullugu Kommune Kujalleq aamma Neqi A/S toqoraavimmi suliffissanik ataavartunik amerlanerusunik pilersitsineq pillugu qaninnerusumik suleqatigiilerniarlutik isumaqatigiissute-qarput. Kiisalu Kommune Kujalleq Neqi A/S-mi sulisut inissaqartinneqarnissaannik sulissuteqarniarpoq, kii-salu kommune Neqi A/S-mik suleqateqarluni sulisunik piginnaasalinnik pissarsiniassaaq, soorlu piginnaan-ngorsaanikkut pikkorissaanikkullu, aammalu allatigut.
”Neqi A/S aamma Kommune Kujalleq ukiortaami ataatsimiillattaartarniarlutik isumaqatigiipput Neqip toqo-raavimmi suliffissanik ataavartunik amerlanerusumik pilersitsiniarnera qularnaarumallugu. Taamaammat neriuppunga Narsarmiut Neqip siunertaanut tapersersuissasut tassami suliffissat ataavartut pilersinneqassap-pata sulisussat aalaakaasut pinngitsoorneqarsinnaanngivimmata", Simon Simonsen naggasiivoq.