Qimarnguiit

Qimarnguiit suut neqeroorutigaat?

Narsami, Qaqortumi Nanortalimmilu Kommune Kujalleq qimarnguinnik ingerlatsivoq. Qimarnguiit tassaapput innuttaasunut sakkortuuliorfigitittunut imaluunniit siorasaarneqartunut utaqqiisaasumik toqqissillutik sumiiffigisinnaasaat, meerartaqarluni meerartaqarnaniluunniit orniguffiusinnaasoq.

Maani:

• Toqqissillutit sumiiffeqarsinnaavutit
• Sullinneqarnikkut tapersersorneqarsinnaavutit siunnersorneqarlutillu
• Oqartussanik suliffeqarfiilluunniit naleqquttut arlaat attaviginissaannut ikiorneqarsinnaavutit
• Suliniuteqartoqaqqinnissaanut oqaloqatigiinnerit pilersaarusioqatigiinnerit

Kina ikiortissinnaava?

Qimarnguimmiissinnaavutit ima misigisaqarsimaguit:

• Timikkut tarnikkullu sakkortuuliorfigineqarneq
• Kinguaassiutikkut sakkortuuliorfigineqarneq
• Digitaliusumik sakkortuuliorfigineqarneq
• Aningaasatigut atortutigulluunniit sakkortuuliorfigineqarneq
• Malersugaaneq

Innuttaasut imigassamik aalakoornartutalimmik imaluunniit aanngajaarniutinik sunnertisimasut isertersinnaanngillat.

Kommune Kujallermi innuttaassuseqartut salliunneqartarput.

Ima ikioqqussaatit

Ammanerup nalaani Ilaqutariinnik Sullissivik imaluunniit Ilaqutariit Illuat attavigissavat.

Ilaqutariinnik sullissivik Qaqortoq: 565637

Ilaqutariit Illuat Narsaq 531182

Ilaqutariit Illuat Nanortalik 497457

Ammanerup avataatigut isumaginnittoqarfimmit pigaartoq attavigineqassaaq

 

Narsami isumaginnittoqarfimmit pigaartoq: 497203

Qaqortumi isumaginnittoqarfimmit pigaartoq: 493435

Nanortalimmi isumaginnittoqarfimmit pigaartoq: 537541

Politiit, peqqinnissaqarfimmiit sulisut imaluunniit oqartussaqarfiit allat sinnerlutit aamma attaviginnissinnaapput.