Afdelinger

Ingerlatsinermut immikkoortortaqarfik Ingerlatsinermut Immikkoortortaqarfimmi pisortamit aqunneqarpoq taassumalu Ingerlatsivimmut pisortaq toqqaannartumik qullersarissavaa. Qaqortumi Ingerlatsinermut immikkoortortami qimmilerisoqarpoq, silami suliassalerivik 15-inik sulisoqarpoq, Ikuallaavimmi Tigooraavimmilu arfinillit sulisuupput eqqaavissuarlu pingasunik sulisoqarpoq. Narsami Ingerlatsinermut immikkoortortami silami suliassalerivik arfineq marlunnik sulisoqarpoq, Tigooraavimmi aamma Eqqaavissuarmi sulisut sisamaapput, Eqqagassalerinermut Anartarfilerinermullu sulisut sisamaallutik. Nanortalimmi Ingerlatsinermut immikkoortortami silami suliassalerivik arfineq marlunnik sulisoqarpoq, Tigooraavimmi Eqqaavissuarmilu sulisut sisamaapput. Ingerlatsinermut immikkoortortaq kommunip attaveqaatilersugaani ingerlatsinermik aserfallatsaaliinermillu suliaqartarpoq. Makku suliassarai: Kommunip aqqusiniutaanik, ikaartarfiutaanik aamma tummeraataanik iluarsartuussineq, aqqusinernik, inuinnaat aqqutaanik aamma majuartarfinnik aputaajaanerit siorarterinerillu, qimmiitinik qitsuutinillu nalunaarsuinerit, Eqqagassalerinerit annertuunillu eqqagassalerinerit, Qaqortumi illoqarfiup bussii isumagineri, kuuffiit suliarineqarneri.